Հանրապետության հրապարակում հանրահավաքի ժամանակ Անդրանիկ Թևանյանը ներկայացրեց անհնազանդության ակցիաների ժամանակ վաղվանից մեկնարկող գործողությունները՝ նշելով, որ դրանք կազմակերպված իրականացնելու դեպքում մի քանի օրում իշխանափոխություն տեղի կունենա։
Նա կոչ արեց սկսել դասադուլ ու գործադուլ: «Դիմում եմ կոնկրետ անուններով, որ գործարարներն իմանան՝ եթե խոչընդոտեն կոլեկտիվների գործողությունները, դա համարելու ենք այդ գործարարների կողմից Փաշինյանի թուրքադրբջանական քաղաքականությանն աջակցություն․ Գագիկ Ծառուկյան, Վարդանյան եղբայրներ, Սամվել Ալեքսանյան, Սամվել Կարապետյան, ռուսական խոշոր ընկերություններ: Դուք 2018 թվականին նպաստել կամ առնվազն չեք խոչընդոտել, որ կոլեկտիվները մասնակցեն հանրահավաքներին, ինչի արդյունքում իշխանության եկած Նիկոլ Փաշինյանը երկիրը հասցրել է այս արհավիրքին։
Եվ եթե իմանանք՝ խոշոր գործարարներն այժմ խոչընդոտել են կոլեկտիվներին՝ մասնակցել, հանրայնորեն նշելու ենք անուններ և որոշում ենք կայացնելու պաշտպանել աշխատավորներին: Խաչատուր Սուքիասյան, Գուրգեն Արսենյան, եթե հանկարծ խոչընդոտեք գործադուլին, սաղ ժողովրդով գալու ենք ձեր հիմնարկ»,- ասաց Անդրանիկ Թևանյանը։
0Comments