Գալիս են ժամանակներ, երբ թույլ ազգերը կկործանվեն, իսկ ուժեղները կգոյատևեն։ Բուդապեշտում Քաղծառայության ազգային համալսարանի իրավագիտության ֆակուլտետի բացման արարողությանն իր ելույթի ժամանակ հայտարարել է Հունգարիայի վարչապետ Վիկտոր Օրբանը։
«Մենք ապրում ենք մի ժամանակաշրջանում, երբ ամբողջ աշխարհը ցնցվում է մինչև հիմքերը: Հունգարիայի հարևանությամբ պատերազմ է ընթանում, տասնյակ ու հարյուր հազարավոր միգրանտներ պաշարում են մեր սահմանները։ Գալիս են ժամանակներ, երբ թույլ ազգերը կկործանվեն, իսկ ուժեղները կգոյատևեն։ Ուստի մենք պետք է ամեն օր ուժեղացնենք մեր պաշտպանական գծերը և իրավապահ մարմինները», - ասել է Օրբանը:
Դիմելով Ազգային քաղաքացիական ծառայության համալսարանի ապագա 168 ուսանողներին՝ Վիկտոր Օբրանը կոչ է արել նրանց լինել ուժեղ, քանի որ «արդարությունն առանց ուժի քիչ արժեք ունի»։
Հունգարիայի վարչապետը նաև նշել է, որ հանցագործությունների թիվը Հունգարիայում անշեղորեն նվազում է, այժմ երկիրը «գուցե դարձել է ամենաանվտանգը Եվրոպայում»։
0Comments