«Վագներ»-ի տեխնիկայով շարասյունը դուրս է եկել Դոնի Ռոստովից. Ռոստովի նահանգապետ

«Վագներ» մասնավոր ռազմական ընկերության տեխնիկայով շարասյունը դուրս է եկել Դոնի Ռոստովից: Այս մասին, lurer.com-ի փոխանցմամբ, ասել է նահանգապետ Վասիլի Գոլուբևը։

Նրա խոսքով՝ մարտիկները վերադարձել են դաշտային ճամբարներ:

Գոլուբևը Telegram-ում գրել է.

««Վագներ» մասնավոր ռազմական ընկերության շարասյունը դուրս է եկել Ռոստովից և ուղղվել դեպի իրենց դաշտային ճամբարները։

Ես երախտապարտ եմ բոլորին, ովքեր այս արտասովոր պայմաններում ապահովել են կենսապահովման համակարգերի համակարգված աշխատանքը մայրաքաղաքում և Ռոստովի մարզում»։