Թուրքիայի ազգային հետախուզական ծառայության ղեկավար Հաքան Ֆիդանը կարող է զբաղեցնել երկրի փոխնախագահի պաշտոնը։ Այս մասին չորեքշաբթի հայտնել է «Hürriyet» թերթը՝ հղում անելով կառավարական աղբյուրներին։
Հրապարակման համաձայն՝ հունիսի 3-ի երդմնակալությունից հետո նոր ժամկետով վերընտրված Թուրքիայի նախագահ Ռեջեփ Թայիփ Էրդողանը կհայտարարի կառավարության նոր կազմը։ Նախարարների կաբինետը գրեթե ամբողջությամբ կթարմացվի, արտաքին գործերի և պաշտպանության նախարարներ Մևլութ Չավուշօղլուն և Հուլուսի Աքարը կարող են պահպանել իրենց պաշտոնները։
Ֆիդանը, ով գլխավորում է թուրքական հետախուզությունը, կարող է նախարարի պաշտոն ստանալ կամ ստանձնել անվտանգության հարցերով փոխնախագահի պաշտոնը։ Այս հարցը, որը նշվում է «Hürriyet»-ում, երկար ժամանակ քննարկվել է Անկարայում։
0Comments