Սա իմ երկիրն է, սա իրենց երկիրը չէ․ ես այս երկրից չեմ փախչի․ Սերժ Սարգսյան
Դատարանը մերժեց ՀՀ երրորդ նախագահ Սերժ Սարգսյանի նկատմամբ բացակայելու արգելք կիրառելու միջնորդությունը։ Այս մասին լրագրողների հետ զրույցում ասաց Սարգսյանի պաշտպան Ռուբեն Հակոբյանը։
«Շատ մանրամասներ չեմ կարող ասել, դատական նիստը դռնփակ է եղել։ Մեղադրանքի կողմի միջնորդությունը մերժվեց, այսինքն՝ բացակայելու արգելքը չկիրառվեց, միայն գրավ խափանման միջոցն է կիրառվել»,- ընդգծեց Հակոբյանը։
Նրա խոսքով՝ եթե չնչին հիմնավորված բան լիներ, ապա դատարանը միջնորդությունը կբավարարեր։
Դատական նիստից հետո Սերժ Սարգսյանն էլ անդրադարձավ երկիրը լքելու վերաբերյալ կասկածներին։
«Ձեզ թվում է, թե ես նման եմ մարդու, ով կարող է փախչի։ Ես որտեղից եմ փախել, որ այստեղից փախնեմ։ Եթե Հայաստանի որևէ դատարան ինձ դատապարտի մահապատժի, ես այս երկրից չեմ փախչի։ Սա իմ երկիրն է, սա իրենց երկիրը չէ։ Ես իմ երկրից ո՞ւր պետք է փախչեմ։ Այն «օպերատիվ» տվյալները, որ նշում են, ես արդեն վաղուց պետք է փախած լինեի»,- ընդգծեց ՀՀ 3-րդ նախագահը։
Latest from Live24
- Իրանը գրեթե ամբողջապես պահպանել է հարստացված ուրանը․ ՄԱԳԱՏԷ-ի ղեկավար
- Սերժ Սարգսյանի խափանման միջոցը չի փոխվի. դատավորը մերժեց մեղադրանքի կողմի միջնորդությունը
- Թուրքիան ռուսական գազի 2-րդ խոշոր գնորդն է աշխարհում
- Global Express ինքնաթիռն իմ ամենաթանկ գնումն է. Ռոնալդու
- Տղամարդը փորձել է համբուրել Մեքսիկայի նախագահին․ AP
- Հայաստանը արհեստական բանականության ներդրման առումով ամենահետամնաց մեկն է. Microsoft-ը հրապարակել է համաշխարհային վարկանիշը
- Ֆլորիդայի օդանավակայանը կարող է վերանվանվել Թրամփի պատվին
- Մետրոպոլիտենն արդեն գործում է բնականոն ռեժիմով․ հայտարարություն