Հայաստանում հայտնի դերասաններից մեկին բերման են ենթարկել ոստիկանություն
Այսօր՝ փետրվարի 7-ին, ՀՀ Ներքին գործերի նախարարության ոստիկանության պարեկային ծառայության Կոտայքի մարզի գումարտակում օպերատիվ տեղեկություններ են ստացվել, որ Աբովյան քաղաքում «Mazda 6» մակնիշի ավտոմեքենայի վարորդը երթևեկում է կեղծ համարանիշներով։
Ինչպես հայտնում է ֆոտոլրագրող Գագիկ Շամշյանը, տեղում ՊԾ Կոտայքի մարզի գումարտակի 2-րդ վաշտի հրամանատար Դավիթ Հովհաննիսյանի և դասակի հրամանատարի տեղակալ Խաչատուր Էլոյանի գլխավորությամբ պարզվում է նշված ավտոմեքենայի գտնվելու վայրը ու պարեկները Երևան-Սևան Մ4 մայրուղու 14 կմ հատվածում սահմանված արագությունը գերազանցելու համար կանգնեցնում են նշված ավտոմեքենան և տեղում պարզվում է, որ ստացված օպերատիվ տեղեկությունը հավաստի է։
Վարորդի ներկայացրած Ռուսաստանի Դաշնության կողմից տրված տրանսպորտային միջոցի հաշվառման վկայականի ստուգմամբ պարզվում է, որ փաստաթուղթը կեղծ է, իսկ նշված ավտոմեքենայի վրա պետք է լիներ ՀՀ-ի կողմից տրված համարանիշ։
Ֆոտոլրագրողի տեղեկություններով՝ կեղծ փաստաթուղթ ներակայացնելու անմիջականորեն ծագած հիմնավոր կասկածի առկայության հիմքով պարեկների կողմից վարորդը ձերբակալվում և նշված ավտոմեքենայով տեղափոխվում է ՀՀ ՆԳՆ ոստիկանության համայնքային ոստիկանության գլխավոր վարչության Կոտայքի բաժին, ավտոմեքենան էլ տեղափոխվում է պահպանվող հատուկ տարածք։
Դեպքի փաստով ոստիկանության Կոտայքի բաժնում փաստաթղթեր են ձևակերպվում։
Ֆոտոլրագրողի տեղեկություններով՝ վարորդը Հայաստանում հայտնի դերասան է, ում ինքնությունը նախաքննության շահերից ելնելով չենք հրապարակում։
Latest from Live24
- Ինչու է անհրաժեշտ խնձոր ուտել
- Եթե վիզա ստանալիս ստել եք, ապա դա կարող է հանգեցնել արտաքսման․ ՀՀ-ում ԱՄՆ դեսպանատուն
- Պուտինը հայտարարել է, որ միշտ մտածում է իրավահաջորդի մասին
- Լույս չի լինելու․ հասցեներ
- Skype-ն այսօրվանից չի աշխատելու
- Պայթյուն Մոսկվայի բնակելի շենքերից մեկում․ կան զոհեր
- Ջուրը տարել է 120․000 դոլարանոց Mercedes-ը՝ մինչ վարորդը լողափում հիանում էր մայրամուտով
- Չեխիայում 2 զբոսաշրջիկ լեռնագնացության ժամանակ հայտնաբերել են 340,000 դոլար արժողությամբ ոսկե մետաղադրամների գաղտնարան
Լրահոս
Ֆոտո
