Հունվարի 28-ի կապակցությամբ ՀՀ աշխատանքի և սոցիալական հարցերի նախարար Զարուհի Բաթոյանը իր Facebook-յան էջում տեղադրել է շնորհավորական խոսք:
«Այսօր նշում ենք Հայկական բանակի օրը և Հայաստանի Հանրապետության զինված ուժերի կազմավորման տարեդարձը:
Մենք չպետք է բավարարվենք միայն երախտագիտությամբ և մեր անկեղծ հիացմունքով:
ՀՀ աշխատանքի և սոցիալական հարցերի նախարարությունն առաջիկայում հանդես կգա նախկին զինծառայողների վերասոցիալականացմանը և աշխատանքային հնարավորությունների ստեղծմանն ուղղված ծրագրի առաջարկով:
Բազմաթիվ հարցերին անդրադառնալու համար մենք պետք է ապահովենք գերատեսչությունների միջև համագործակցությունը:
Պետք է լսելի դարձնենք զինվորների և նրանց ընտանիքներին ձայնը` պետական ծրագրերն ու ծառայություններն ավելի թիրախային և արդյունավետ դարձնելու համար։
Զարուհի Բաթոյան
ՀՀ աշխատանքի և սոցիալական հարցերի նախարար »
0Comments