Մոլդովայի մայրաքաղաք Քիշնեւում անցկացվող ծանրամարտի մինչեւ 15 եւ 17 տարեկանների Եվրոպայի առաջնությունում պարգեւատրման արարողություններից մեկի ընթացքում, Թուրքիայի հիմնի ժամանակ Նազիկ Ավդալյանը կքանստել է եւ հեռախոսով հաղորդագրություն գրել:
Աշխարհի չեմպիոն, Եվրոպայի կրկնակի չեմպիոն Նազիկ Ավդալյանը Եվրոպայի պատանեկան առաջնության մրցավարական կազմում է:
Նախորդ օրը չեմպիոնի կոչումը նվաճած թուրք ծանրորդի պարգեւատրման արարողությունից հետո հնչել է Թուրքիայի հիմնը, որի ժամանակ մրցավարական հանձնաժողովում գտնվող Նազիկ Ավդալյանը ոտքի չի կանգնել:
Միջադեպը նկատել են հանդիսատեսի շարքերից եւ նկարահանել կքանստած Ավդալյանին այն ժամանակ, երբ բոլորը կանգնած լսել են հաղթող երկրի օրհներգը: Տեսանյութը տարածվել է համացանցում:
0Comments