Իրանի արտաքին գործերի նախարար Հոսեյն Ամիր Աբդոլլահիանը հայտարարել է, որ Կովկասում իսրայելական ռեժիմի ներկայությունը տարածաշրջանի առջև ծառացած կարևոր խնդիրներից է։ Այս մասին գրում է presstv.ir-ը:
«Իրանը բոլոր կողմերին զգուշացնում է զգոն լինել Իսրայելի հարցում և թույլ չտալ Իսրայելի ներկայությունը Կովկասում», - Անկարայում իր թուրք գործընկեր Մևլութ Չավուշօղլուի հետ համատեղ մամուլի ասուլիսում ասել է Ամիր Աբդոլլահիանը։
Նախկինում Աբդոլլահիանը մի քանի անգամ հայտարարել էր, որ Իրանի Իսլամական Հանրապետությունը չի հանդուրժի սիոնիստական ռեժիմի ներկայությունն ու գործունեությունն ընդդեմ իր ազգային անվտանգության և կձեռնարկի այդ ուղղությամբ անհրաժեշտ ցանկացած գործողություն: Նա այդ մասին ասել էր նաև Ադրբեջանի դեսպանի հետ հանդիպմանը:
0Comments