Աֆղանստանում կանանց գեղեցկության բոլոր սրահները կփակվեն: Համապատասխան որոշումն ընդունել է երկրում իշխանության եկած արմատական թալիբան շարժման ղեկավարությունը:
Բացի այդ, կանանց կարգելվի աշխատել առևտրի կենտրոններում։ Նախկինում թալիբներն արդեն արգելել էին աղջիկների դասերը Աֆղանստանի համալսարաններում և կարգադրել՝ կանանց հեռացնել աշխատանքից բոլոր ազգային և միջազգային ոչ կառավարական կազմակերպություններից:
Թալիբները Աֆղանստանում իշխանության են եկել 2021 թվականի օգոստոսին այն բանից հետո, երբ ԱՄՆ-ն վերջնականապես դուրս բերեց իր զորախումբն այնտեղից։
2022 թվականի դեկտեմբերին իշխող ռեժիմի ներկայացուցիչներն առաջին մահապատիժն են իրականացրել իշխանության գալուց ի վեր։ Ֆարահ նահանգում սպանության մեջ մեղադրվող տղամարդը մահապատժի է ենթարկվել:
0Comments