Պետությունը պարտավոր է կատարել երկու օրինական քայլ․ կրակել ու դիմել միջազգային կառույցներին

Խորհրդարանում իր ելույթում Նիկոլ Փաշինյանը «հանկարծ» նկատեց, որ «խաղաղության օրակարգ առաջարկելուց» հետո Բաքուն դադարել է խոսել սահմանազատման մասին:

Բաքվի ինչին է պետք սահմանազատումը, եթե հնարավոր է հանգիստ գրավել այլ պետության տարածքը և փակել միջպետական ​​ճանապարհները: Հայաստանն ամենաբարձր մակարդակով ճանաչում է որոշ տարածքների «վիճարկելիությունը» և օրինական ուժ չի կիրառում իր տարածքը պաշտպանելու համար: Բացի այդ, թաքնվելով սահմանազատման բացակայության հետևում, Հայաստանի կառավարությունը չի դիմում ՄԱԿ և ԵԱՀԿ`իր տարածքային ամբողջականության հարցով:

Այսօր Նիկոլ Փաշինյանը յուրատեսակ «սահմանազատում» է իրականացրել ՝ Կարմրաքարն ու Շուռնուխը անվանելով թյուրքական անուններով:

Հայկական կողմի այս մոտեցումը նշանակում է, որ ցանկացած մեկը կարող է գրավել Հայաստանի տարածքը, և կառավարությունը ոչինչ չի անի, քանի որ, ըստ նրա՝ Հայաստանի սահմանները վիճելի են գրեթե ամբողջ գծով: Սա նշանակում է, որ Հայաստանը, հայտարարելով, որ սահմանազատում չկա, բացում է դռները իր բոլոր հարևանների համար:

Շատ երկրներում չկա սահմանազատում, բայց կա հստակ մշակված մեխանիզմ. Քանի դեռ չկա սահմանազատում և սահմանագծում, պետությունը պարտավոր է պաշտպանել իր վերահսկողության տակ գտնվող տարածքը: Քանի դեռ չկա սահմանագծում, ցանկացած ոտնձգություն ինքնիշխան երկրի տարածք կոչվում է ներխուժում ՝ օկուպացիա, անեքսիա, անշլուս և այլն: Իսկ պետությունը պարտավոր է կատարել երկու օրինական քայլ․ կրակել ու դիմել միջազգային կառույցներին:

Սկզբնաղբյուր