Մադրիդի «Ռեալը» ամռանը 280 միլիոն եվրո կառաջարկի Փարիզի ՊՍԺ-ին աշխարհի չեմպիոն Ֆրանսիայի հավաքականի հարձակվող, ԱԱ-2018-ի լավագույն երիտասարդ խաղացող Կիլիան Մբապեի համար, հայտնում է France Football-ը։
20-ամյա ֆուտբոլիստի տրանսֆերի վրա կենտրոնանալու հորդորով «Ռեալի» նախագահ Ֆլորենտինո Պերեսին դիմել է Արքայական թիմի գլխավոր մարզիչի պաշտոնում երկրորդ անգամ նշանակված ֆրանսիացի Զինեդին Զիդանը։
Եթե գործարքը կյանքի կոչվի, Մբապեն կդառնա պատմության մեջ ամենաթանկ ֆուտբոլիստը։ Այժմ ռեկորդը պատկանում է բրազիլացի Նեյմարին, որի համար ՊՍԺ-ն «Բարսելոնային» վճարել էր 222 միլիոն եվրո։
0Comments