Հաղթել է Հիտլերին, հաղթել է Նապոլեոնին. Թրամփը Ռուսաստանը «պատերազմական մեքենա» է անվանել

ԱՄՆ նախկին նախագահ Դոնալդ Թրամփը հերթական անգամ հայտարարել է, որ Ուկրաինայի և Ռուսաստանի միջև ռազմական հակամարտությունը չէր սկսվի, եթե ինքը մնար նախագահի պաշտոնում, հայտնում է Fox News-ը։

Նա Ռուսաստանը անվանել է «պատերազմական մեքենա»:

«Սա առճակատում է պատերազմական մեքենայի հետ։ Նրանք հաղթեցին Հիտլերին։ Նրանք հաղթեցին Նապոլեոնին... Սա մեծ երկիր է»,- ասել է Թրամփը կողմնակիցների առջև ելույթի ժամանակ։

Նա նաև կոչ է արել Եվրոպայում դաշնակիցներին ավելացնել պաշտպանական ծախսերը: