Սահմանամերձ գյուղերի տեղի բնակիչների միջև կոնֆլիկտը տեղի է ունեցել Ղրղզստանի և Տաջիկստանի սահմանին, երկուշաբթի «ՌԻԱ Նովոստիին» հայտնել են Ղրղզստանի սահմանապահ ծառայության մամուլի կենտրոնում։
«Պետական սահմանի Ղրղզստան-Տաջիկական հատվածում սահմանամերձ շրջանների բնակիչների միջև միջադեպ է տեղի ունեցել»,- հայտնել է մամուլի կենտրոնի ներկայացուցիչը։
Նրա խոսքով՝ կոնֆլիկտի պատճառ են դարձել վարորդների տարաձայնությունները Տաջիկստանից դեպի Վորուխ անկլավ տանող ճանապարհին, որն անցնում է Ղրղզստանի տարածքով։ Տաջիկստանի քաղաքացիներն իրենց մեքենաներով փորձել են «կտրել» ղրղզների մեքենայի ճանապարհը, ինչի արդյունքում նրանց միջև ծեծկռտուք է սկսվել։
«Հակամարտության սրումը կանխելու նպատակով դեպքի վայր է ժամանել Ղրղզստանի ՆԳՆ տարածքային բաժնի աշխատակիցը: Սակայն, երբ նա հասել է դեպքի վայր, Տաջիկստանի քաղաքացիները՝ Խոջայ-Աալո գյուղի բնակիչները, հարձակվել են նրա վրա»,- հայտնել են սահմանապահ վարչությունից։
Հաղորդվում է, որ ներկայումս բանակցություններ են ընթանում Ղրղզստանի սահմանային ներկայացուցիչների միջեւ՝ Բատկեն հատվածի եւ Տաջիկստանի սահմանային ներկայացուցիչների միջեւ՝ Իսֆարա հատվածում։
0Comments