ԱՄՆ նախագահ Ջո Բայդենը պետության նախկին ղեկավար Բարաք Օբամային ասել է, որ ծրագրում է առաջադրվել 2024 թվականին նախագահի պաշտոնում։ Այս մասին երեքշաբթի հայտնել է The Hill թերթը՝ վկայակոչելով աղբյուրներ։
Ավելի վաղ գործող նախագահը մարտին Բրյուսելում կայացած մամուլի ասուլիսում խոսել էր Սպիտակ տան համար կրկին պայքարելու ծրագրերի մասին։
«Բայդենը ցանկանում է մասնակցել ընտրություններին, և նա ակնհայտորեն ցանկանում է, որ բոլորն իմանան այդ մասին»,- ասել է աղբյուրը։ Նրա խոսքով՝ Բայդենը մնում է Դեմոկրատական կուսակցության ներկայացուցիչը, որը Հանրապետական կուսակցության կողմից ԱՄՆ նախկին նախագահ Դոնալդ Թրամփի առաջադրվելու դեպքում ընտրություններում հաղթելու ամենանշանակալի շանսերն ունի։
«Նա կարծում է, որ ինքը միակն է, ով կարող է հաղթել Թրամփին»,- ասել է Բայդեն-Օբամա զրույցին ծանոթ աղբյուրը։
Սպիտակ տունը հրաժարվել է մեկնաբանել զրույցը, նշում է թերթը, իսկ Բայդենի խորհրդականներից մեկն ասել է, որ նախագահը հրապարակավ հայտարարել է, որ պատրաստվում է առաջադրվել երկրորդ ժամկետի համար։
Պարբերականը նշում է, որ Բադենի՝ վերընտրվելու ծրագրերը կարող են խոչընդոտվել ցածր վարկանիշի պատճառով։ Այսպիսով, CNBC-ի կողմից անցած շաբաթ անցկացված վերջին հարցման համաձայն, Բայդենի գործունեությունը որպես նախագահ այժմ հավանություն է տալիս ամերիկացիների միայն 38%-ին, իսկ 53%-ը հավանություն չի տալիս։ Իսկ նրա տնտեսական քաղաքականությանը հավանություն է տալիս հարցվածների միայն 35%-ը։
0Comments