Ուկրաինայում հակամարտությունը ձեռնտու չէ ոչ մեկին։ Այս մասին ԱՄՆ նախագահ Ջո Բայդենի հետ հեռախոսազրույցի ընթացքում հայտարարել է Չինաստանի ղեկավար Սի Ծինփինը։
Ինչպես տեղեկացնում է ՏԱՍՍ գործակալությունը, նա նշել է, որ Ուկրաինայում ճգնաժամն այն չէ, ինչ կցանկանար տեսնել Պեկինը։
«Բախումն ու հակամարտությունը ձեռնտու չեն ոչ մեկին։ Խաղաղությունն ու անվտանգությունը միջազգային հանրության ամենաթանկ հարստությունն են»,-ասել է նա։
Սի Ծինփինը Բայդենին կոչ է արել ջանքեր գործարկել՝ գլոբալ խաղաղության ու հանգստության համար։
Ավելի վաղ հայտնի էր դարձել, որ Բայդենը չինացի գործընկերոջը խնդրելու է ազդել ՌԴ առաջնորդ Վլադիմիր Պուտինի վրա, որպեսզի Ուկրաինայում ռազմական հատուկ գործողությունը դադարեցվի։
0Comments