Ադրբեջանի նախագահ Իլհամ Ալիևը կնոջ և դստեր հետ ուղևորվել է Լեռնային Ղարաբաղ՝ Նովրուզ բայրամի տոնի առիթով:
Նա Շուշիում, Կատարոտ դաշտավայրում (Ջրդուզ) վառել է տոնական խարույկը:
Ադրբեջանական լրատվամիջոցները փոխանցում են, որ Ալիևը հանդես է եկել ուղերձով, որը հիմնականում նվիրված էր Ղարաբաղում պատերազմի թեմային:
Նա իր ուղերձում հայտարարել է, որ «հին ադրբեջանական հողի վրա է կանգնած որպես հաղթական բանակի գերագույն գլխավոր հրամանատար, և սրանից հետո ոչ մեկը չի կարողանա մեզ ստիպել այստեղից հեռանալ»:
Ալիեւը նաև հայտարարել է, որ «այս մարտերում հայկական կողմը կրել է հարյուրավոր, հնարավոր է՝ մինչեւ հազար կորուստ»:
«Մենք առանց մեկ կրակոցի վերադարձրել ենք նաև Ակնայի շրջանները, Քարվաճառի և Քաշաթաղի շրջանները»,- ասել է Ալիևը:
0Comments