Բարգավաճն ու Լուսավորը լքեցին ԱԺ նիստերի դահլիճը

Մանրամասներ
Live24.am-ը ներկայացնում է

Ազգային ժողովի «Բարգավաճ Հայաստան» և «Լուսավոր Հայաստան» խմբակցությունները լքեցին խորհրդարանի նիստերի դահլիճը՝ բոյկոտելով գումարված նիստը: «Լուսավոր Հայաստան» խմբակցության քարտուղար Գևորգ Գորգիսյանը նշեց, որ իրենք հրավիրել են ԱԺ արտահերթ նիստ՝ ռազմական դրությունը վերացնելու առաջարկով և այլ քննարկումների մասնակցել չեն պատրաստվում:

«Մենք հրավիրել ենք մեր գործընկերների հետ արտահերթ նիստ՝ ռազմական դրությունը վերացնելու առաջարկով: Այլ հարցերի քննարկմանը մենք չենք մասնակցելու»,- ասաց Գորգիսյանը:

Ավելի վաղ ԱԺ նիստը բոյկոտել էր նաև «Բարգավաճ Հայաստան» խմբակցությունը՝ պահանջելով քննարկել ՀՀ վարչապետ Նիկոլ Փաշինյանի հրաժարականի հարցը: