Միացյալ Նահանգների նախագահ Դոնալդ Թրամփը կրկին սպառնացել է, որ կբարձրացնի Ֆրանսիայից ներկրվող գինու մաքսատուրքերը` ի պատասխան հուլիսին Ֆրանսիայի կողմից ամերիկյան տեխնոլոգիական ընկերությունների նկատմամբ սահմանված թվային հարկի: Այս մասին հայտնել է RIA Novosti լրատվական գործակալությունը:
Թրամփը նշել է, որ չի ցանկանում, որպեսզի մյուս երկրներն իրենց ընկերությունների դեմ անարդար հարկեր կիրառեն:
Սպիտակ տան առաջնորդը հայտարարել է, որ եթե Ֆրանսիան գնա այդ քայլին, ապա Վաշինգտոնը մաքսատուրքեր կկիրառի ֆրանսիական գինիների նկատմամբ այնպիսի ծավալով, «որին նրանք երբեք չեն առնչվել»:
Ավելի վաղ Ֆրանսիայի խորհրդարանը օրենք էր ընդունել, համաձայն որի՝ թվային հարկ է սահմանվում տեխնոլոգիական ընկերությունների նկատմամբ հատուկ թվային ծառայությունների տարեկան ընդհանուր եկամուտի 3 տոկոսի չափով:
0Comments