Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին Կանանց միջազգային օրվա նախաշեմին ռուս կանանց ամենագեղեցիկն է անվանել: Այս մասին փոխանցում է ՏԱՍՍ-ը:
«Շնորհավոր տոնը, Ռուսաստանի կանայք: Դուք ամենաքնքուշն եք, գեղեցիկը, խելացին: Մենք ձեզ կպաշտպանենք եւ կփայփայենք ձեր սերը: Մենք միշտ ձեր մասին կհոգանք»,- լրագրողներին ասել է Ժիրինովսկին:
Ժիրինովսկին նշել է, որ տոներից անկախ՝ ՌԼԴԿ-ում ամեն օր մտածում են «տատիկների, մայրերի, քույրերի, կանանց մասին»:
Գլխավոր լիբերալ-դեմոկրատի կարծիքով՝ տղամարդը պետք է մեկ անգամ ամուսնանա եւ ընդմիշտ կնոջ հետ մնա:
«Կինը պետք է մեկը լինի: Եթե նրան ամուսինը դուր չի գալիս, նա իրավունք ունի ամուսնուն փոխելու: Իսկ եթե ամուսնուն կինը դուր չի գալիս, նրա հետ պետք է ապրի մինչեւ մահվան մահիճ»,- ասել է նա:
Տոնի առիթով ՌԼԴԿ առաջնորդը փոխել է ավանդական դրես-կոդը եւ լիագումար նիստին եկել փողկապի փոխարեն թիթեռնիկ կապած:
0Comments