Gizmodo-ի լրագրողները հերքել են iPhone-ի մասին հայտնի առասպելը` կապված հավելվածների փակման հետ: Այս մասին ասվում է լրատվամիջոցի կայքում։
Ըստ հեղինակների՝ Apple սարքերի շատ օգտատերեր սովոր են բացել վերջերս գործարկված ծրագրերի ցանկը և ձեռքով փակել դրանք․ նրանք կարծում են, որ այդպիսով արագացնում են iPhone-ի աշխատանքը։ Նյութում ասվում է, որ այս մեթոդը ոչ մի կերպ չի ազդում գաջեթի աշխատանքի վրա։
Լրագրողները մեջբերել են Apple-ի ավագ փոխնախագահ Քրեյգ Ֆեդերիգիի խոսքերը, ով դեռ 2016 թվականին ասել էր, որ ֆոնային հավելվածների փակումը չի օգնի սմարթֆոնին ավելի արագ աշխատել։
Gizmodo-ի հեղինակները բացատրել են, որ առասպելը կարող է հիմնված լինել համակարգիչների օգտատերերի փորձի վրա։ Համակարգիչների վրա ենթադրվում է, որ որքան շատ հավելվածներ են բաց ֆոնային ռեժիմում, այնքան ավելի շատ օպերատիվ հիշողություն է սպառում սարքը: «Միլիոնավոր մարդիկ վատնում են իրենց օրերն ու մարտկոցի կյանքը՝ փակելով ֆոնային հավելվածները»,- նշել են լրագրողները։
0Comments