Նախօրեին ԱԺ «Պատիվ ունեմ» խմբակցության պատգամավոր Հայկ Մամիջանյանը լրագրողների հետ ճեպազրույցում ասել էր, որ «Երևանը փոխվելու է հայրենասերների քրտինքով․ եթե Փաշինյանն անմտություն անի, նաև՝ արյամբ»։
ԱԺ այսօրվա նիստում «Քաղաքացիական պայմանագիր» խմբակցության պատգամավոր Վահագն Ալեքսանյանն անդրադարձել է ընդդիմադիր պատգամավորի հայտարարությանը.
«Հերթական անգամ ընդդիմությունը, համատեղելով իր ջանքերը, արյունռուշտ կոչերը էն փաստի հետ, որ կա որոշակի լարվածություն ու կուտակում սահմաններին, անում է նմանատիպ հայտարարություն:
Հետո էստեղից հայտարարում է, որ՝ երբ կանչը հնչի, կգա գործելու ժամանակը:
Կխնդրեմ էդքան պաթոսով չարտահայտվել ու Վայբերի SMS-ներին կանչ չանվանել:
Բոլորս էլ գիտենք, թե կանչ կոչվածը ինչի հետ եք, աշխարհագրական որ կետից եք ստանում:
Դրանք պահեք բացարձակապես սեփական ընթերցանության համար:
Ոչ ձեր կանչերից վախեցող կա, ոչ արյունռուշտ կոչերից ու ոչ էլ ձեզնից: Էս ելույթը կարող եք թարգմանել ու Վայբերով հետ ուղարկել»,- նշել է Ալեքսանյանը:
0Comments