Մոսկվայի քաղաքային դատարանը ծայրահեղականության մեղադրանքով Ալեքսեյ Նավալնիին դատապարտել է 19 տարվա ազատազրկման, գրում է РИА Новости-ն։
Նավալնին մեղավոր է ճանաչվել ծայրահեղական համայնք ստեղծելու, ծայրահեղական գործունեության ֆինանսավորման և այլ հանցագործությունների մեջ։ Դատախազը պահանջել է նրան 20 տարվա ազատազրկման դատապարտել հատուկ ռեժիմի գաղութում։
Գործով մեկ այլ անձ է Դանիել Խոլոդնին՝ Նավալնիի YouTube-ի ալիքներից մեկի նախկին տեխնիկական տնօրենը։ Նա մեղադրվում է ծայրահեղական գործունեության ֆինանսավորման և ծայրահեղական համայնքին մասնակցելու մեջ։ Նրա համար դատախազը տասը տարի է խնդրել ընդհանուր ռեժիմի գաղութում։
Նավալնին հայտնվեց կալանքի տակ այն բանից հետո, երբ 2021 թվականի փետրվարին Իվ Ռոշերից դրամական միջոցների յուրացման գործով պայմանական պատիժը փոխարինվեց իրական ազատազրկմամբ՝ պրոբացիոն ռեժիմի խախտման պատճառով։
0Comments