Հայտնի է դարձել «Ոսկե խաղակոշիկ 2025»-ի հաղթողը: Մրցանակը բաժին կհասնի Ֆրանսիայի հավաքականի և Մադրիդի «Ռեալի» ֆուտբոլիստ Կիլիան Մբապեին, որը Լա Լիգայում 31 գոլ է խփել:

Նա հավաքել է 62 միավոր։ Պորտուգալիայի Պրիմերայի առաջնությունում 39 գոլ խփելուց հետո 58,5 միավորով երկրորդ տեղում է Վիկտոր Գյոկերեշը (Լիսաբոնի Սպորտինգ):

Երրորդ տեղում Լիվերպուլի հարձակվող Մոհամեդ Սալահն է, ով այսօր խփեց Պրեմիեր լիգայում այս մրցաշրջանի իր 29-րդ գոլը և «Ոսկե խաղակոշիկի» պայքարում հավաքեց 58 միավոր: