Ռուսաստանի արտգործնախարարության պաշտոնական ներկայացուցիչ Մարիա Զախարովան խստորեն քննադատել է Եվրահանձնաժողովի հայտարարությունը Սերբիայի համար հնարավոր «հետևանքների» մասին, եթե նախագահ Ալեքսանդր Վուչիչը ներկա լինի Մոսկվայի Հաղթանակի շքերթին:
Զախարովան ի պատասխան ասել է, որ նման հռետորաբանությունը հակասում է ժողովրդավարության սկզբունքներին, որոնց հղում է անում Բրյուսելը:
«Եթե Եվրահանձնաժողովը հարգում է ժողովրդավարությունը, ապա պետք է հարգի նաև ժողովրդի ընտրությունը։ Ոչ թե դիմել պարտադրանքի, որից ինքը հրապարակավ հրաժարվում է»,- գրել է նա Telegram-ում։
Նա նաև Բրյուսելի գործողությունները համեմատել է հանցավոր կառույցների վարքագծի հետ։
«Ի՞նչ «սև նշաններ» է Արևմուտքը բաժանում նախազգուշացումների տեսքով։ Այդպես էին գործում ծովահենները, մաֆիան, շանտաժիստներն ու ահաբեկչական խմբավորումները։ Լավ Եվրոպական հանձնաժողով է, որը հանցագործների մեթոդներն է օգտագործում։ Եթե նրանք արդեն հիմա են այդպես խոսում թեկնածուների հետ, ի՞նչ է լինելու հետո, երբ պետությունը նրանց լիակատար իշխանության տակ հայտնվի»,-ընդգծել է Զախարովան։
2025 թվականին Ռուսաստանը նշում է Հայրենական մեծ պատերազմում տարած Հաղթանակի 80-ամյակը։ Սպասվում է, որ Հաղթանակի շքերթի կապակցությամբ Մոսկվա կմեկնեն Չինաստանի, Վենեսուելայի, Բրազիլիայի, Սերբիայի, Սլովակիայի առաջնորդները, ինչպես նաև ԱՊՀ երկրների և Ասիայի մի շարք երկրների ղեկավարները:
Latest from Live24
- ԱՄՆ-ն և Չինաստանը բանակցում են առևտրային գործարքի շուրջ. Թրամփ
- ԵԺԿ նման բանաձևի ընդունումը հակասում է մինչ այսօր ՀՀ ներքին և արտաքին քաղաքական զարգացումների վերաբերյալ ԵԺԿ կողմից արված հրապարակային գնահատականներին և ընդունված փաստաթղթերին. ՀՀԿ
- Երբ դուք չեք գիտակցում, թե ինչ է կատարվում ձեր ներսում, դրսից դա ճակատագիր է թվում
- Ֆրանսիայի որոշ քաղաքացիներ այսօր կռվում են ռազմական հատուկ գործողության գոտում․ Պուտին
- ՔՊ-ն ու «Հանրապետությունը» մեղադրում են իրավապահներին Նոր Նորքի միջադեպով անգործության մեջ
- «Ոչ ոք իրեն չի խնայել». Պուտինը՝ Մեծ հաղթանակի գործում ԽՍՀՄ ժողովուրդների ավանդի մասին
- Հայտնի է՝ ինչ են խոսել Թրամփն ու Զելենսկին Վատիկանում
- Ռուսաստանի և Եվրոպայի միջև հարաբերություններն, անկասկած, վաղ թե ուշ կվերականգնվեն. Պուտին