Գերագույն ռադայի փոխխոսնակ Ելենա Կոնդրատյուկը դիմել է Լեհաստանի Սենատի մարշալ Մալգորզատա Կիդավա-Բլոնսկային՝ խնդրելով դիտարկել Ուկրաինայի արևմտյան շրջանները ռուսական հրթիռներից պաշտպանելու հնարավորությունը։

Հանդիպումը, որին մասնակցել է նաև Լիտվայի Սեյմի նախագահ Վիկտորյա Կմիլիտե-Նիլսենը, տեղի է ունեցել Վիլնյուսում՝ Լիտվայի պետականության օրվա կապակցությամբ։

«Այսօր մենք խոսեցինք Ուկրաինայի հումանիտար պաշտպանության մասին, ես առաջին հերթին նկատի ունեմ ուկրաինացիների կյանքի իրավունքի պաշտպանությունը Հիմա էլ, ինչպես երկուսուկես տարի առաջ, Ուկրաինան աղաչում է. «Տվեք ինձ ապրելու հնարավորություն»:

Փոխխոսնակը նշել է, որ լայնամասշտաբ ներխուժման սկզբից ռուսները ոչնչացրել կամ զգալիորեն վնասել են էներգետիկ օբյեկտների 70 տոկոսը և 250 հազար բնակելի շենքեր։

«Բացի այդ, ես խնդրեցի Լիտվայի Սեյմի նախագահ Վիկտորյա Կմիլիտե-Նիլսենին այս խնդրանքը հնչեցնել ՆԱՏՕ-ի խոսնակների գագաթնաժողովում, որը տեղի կունենա Վաշինգթոնում երկուշաբթի օրը՝ ՆԱՏՕ-ի հոբելյանական գագաթնաժողովի նախօրեին»,- ասել է Կոնդրատյուկը։

Լեհաստանի և Լիտվայի ներկայացուցիչները խոստացել են անել հնարավորը Ուկրաինայի երկնքի պաշտպանության հարցը լուծելու համար։

«Եթե ՆԱՏՕ-ն պատրաստ չէ ընդունել Ուկրաինային իր շարքերը պատերազմի պայմաններում, մենք պետք է պահանջենք դաշինքի երկրներից բավականաչափ ռեսուրսներ՝ թշնամուն զսպելու և հաղթելու համար և ապահովելու ուկրաինացիների կյանքի իրավունքը»,- ասել է Ուկրաինայի Գերագույն Ռադայի փոխնախագահ Ելենա Կոնդրատյուկը:

Ադրբեջանի կողմից օկուպացված Արցախում բնակեցվել են 8 հազար ադրբեջանցիներ։ Այս մասին ասել է Ադրբեջանի նախագահ Իլհամ Ալիևը՝ ելույթ ունենալով հուլիսի 6-ին օկուպացված Շուշիում կայացած Թյուրքական պետությունների կազմակերպության ոչ պաշտոնական գագաթնաժողովի բացման արարողությանը, փոխանցում է ԱՊԱ-ն։

Նա նշել է, որ մինչև այս տարվա վերջ 20 հազար մարդ կտեղափոխվի օկուպացված Արցախ։

Կիրանցի բնակիչ Գոհար Վարդանյանը գրել է.

«Էս նկարներն արված են համարյա նույն հատվածում:

Առաջին նկարը էսօր, 2-րդը 2 ամիս առաջ: 

Հիմա հարց: ի՞նչ կզգայիք դուք, երբ մի օր արթնանայիք եւ տեսնեիք որ կադաստրի վկայականով ձեզ պատկանող 30 տարվա այգով հայ-ադրբեջանական սահման, փշալար եւ ճանապարհ ա անցնում ?

Իսկ մարդիկ գալիս կանգնում են էդ հատվածում եւ հպարտանում իրենց տեսածով: 

Կներեք սիրելի պաշտոնյաներ, բայց դուք մեր սպիին բուժելու փոխարեն գալիս էս մարդկանց վերքին աղ եք լցնում գնում»:

Նիկոլը փախչելու է, «կանչը» չի ուշանա․ Սյուզի Բադոյան.

Տեսանյութ

«Ժողովուրդ» օրաթերթը գրում է․ ««Ժողովուրդ» օրաթերթը դեռ մարտ ամսին հայտնել էր, որ հայտնի` 7 «գոլդ» համարանիշներից մեկը, բոլորի կողմից ցանկալի 000 OO 00 համարանիշը ձեռք է բերել Գորիսի համայնքապետ Առուշ Առուշանյանի հորը՝ Գագիկ Առուշանյանին պատկանող «Առանցք» ՍՊԸ-ն:

Համարանիշները վաճառվել էին 156 մլն դրամով:

Ավելի ուշ, սակայն, հայտնի դարձավ, որ համարանիշները գրանցված են Mercedes-benz G63 AMG 4.0 մեքենայի վրա, որով Առուշ Առուշանյանն էր շրջում:

Ավելին` ոչ սթափ վիճակում վարելու համար նա 1 տարով զրկվել էր վարորդական իրավունքից:

Առուշանյանն ինքն էլ չէր հերքել, որ «գոլդ» համարանիշներով մեքենան իրենն է:

Այսինքն` 000 OO 00 համարանիշը ձեռք է բերել Գորիսի համայնքապետ Առուշ Առուշանյանի հորը պատկանող ՍՊԸ-ն, բայց Առուշանյանն է այն օգտագործում:

Հարց է առաջանում՝ իրավունք ունե՞ր «Առանցք» ՍՊԸ-ն համարանիշը նվիրել Առուշ Առուշանյանին
Այս գործարքի հետ կապված մի քանի հարց վիճահարույց է.

.Եթե համարանիշը գնվել է «Առանցք» ՍՊԸ-ի անունից, նշանակում է` 156 միլիոն դրամը ելք է եղել կազմակերպության դրամարկղից, ինչը հարկային իմաստով ունի բազմաթիվ սահմանափակումներ, քանզի ցանկացած ձեռքբերում պետք է անմիջական կապ ունենա կազմակերպության` տվյալ դեպքում շինարարական կենստրուկցիաների հետ (վաճառք, արտադրություն, այլ)

. Եթե համարանիշը ձեռք է բերվել «Առանցք» ՍՊԸ-ի անունից, բայց Գագիկ կամ Առուշ Առուշանյանի անձնական միջոցներով, ապա գործարքը միանշանակ պարունակում է կեղծիքի տարրեր:

. Եթե նվերը ստացել է պաշտոնատար անձ Առուշ Առուշանյանը, ապա այն պետք է հանձնի պետական գանձարան (156 միլիոն դրամը մեծ է 20 հազար դրամից)

Ցանկալի կլինի` ոլորտի մասնագետները գնահատական տան 156 միլիոն դրամ արժեքով այս շարժին, որը, ի դեպ, գերազանցում է նաև «Առանցք» ՍՊԸ-ի տարեկան վճարած հարկերի գումարը։

«Ժողովուրդ» օրաթերթը կապ հաստատեց «Առանցք» ՍՊԸ-ի հետ` պարզելու՝ ինչու են համարանիշը նվիրել Առուշ Առուշանյանին:

Մեր հեռախոսազանգին պատասխանեց ընկերության աշխատակիցներից մեկը, որը նշեց՝ ինքը տեղյակ չէ դրանից ու որեւէ իրավասություն չունի հարցին պատասխանելու:

Հարցին՝ չունեն մամուլի բաժնի կամ որևէ այլ պատասխանատու, որը կպատասխանի մեր հարցերին, վերջինս ասաց՝ ոչ»:

Մանրամասները՝ «Ժողովուրդ» օրաթերթի այսօրվա համարում։

 «Հրապարակը» գրում է․ «Իշխանական էլիտան հուլիսի 13-ին հարսանիքի է։ Ամուսնանում է «Քաղաքացիական պայմանագիր» խմբակցության պատգամավոր Մարիամ Պողոսյանը, ով մինչ պատգամավոր դառնալը «Իմ քայլը» խմբակցության ղեկավար, այժմ ԱՄՆ-ում ՀՀ դեսպան Լիլիթ Մակունցի օգնականն էր։ Հարսանիքը տեղի կունենա «Պրայմ հոլ» ռեստորանում։ 

Մարիամ Պողոսյանն անցած տարի է նշանվել՝ իշխանական վաղամեռիկ պատգամավոր Մաթեւոս Ասատրյանի օգնականի՝ Ռոման Տերտերյանի հետ: Իշխանական խմբակցությունում անհամբերությամբ սպասում են այս հարսանիքին, որը հաջորդելու է հուլիսի 11-ի արտահերթ նիստին, հնարավոր է նիստը ձգվի մինչեւ ամսի 12-ը, հոգնատանջ ՔՊ-ականները մի լավ կլիցքաթափվեն հարսանիքին։»։

«Հրապարակը» գրում է․ «Ապրիլի 5-ին Բրյուսելում Փաշինյան-Բլինքեն-Ֆոն դեր Լայեն հանդիպմանը, պարզվում է, չհրապարակված պայմանավորվածություն է եղել, որ ԱՄՆ-ն Հայաստանում  էներգետիկ դիվերսիֆիկացիա կապահովի, կկառուցի  մոդուլային ատոմակայան: Այս թեման վաղուց է արծարծվում։ 

ՀՀ իշխանությունը դեռեւս չի խոստովանում, որ իրենց առջեւ նման պահանջ է դրված։ ՀԱԷԿ-ը Հարավային Կովկասում գործող միակ ատոմակայանն է, որը շահագործվում է ռուսական ընկերության կողմից։ Բրյուսելյան փաստաթղթում խայտառակ ձեւակերպումներ կան. «ԱՄՆ-ն եւ ԵՄ-ն կաջակցեն Հայաստանին միջուկային էներգետիկայի ծրագրի հարցում՝ դադարեցնելու Մեծամորի ատոմակայանի գործունեությունը, որից հետո կտրվի ֆինանսավորում՝ նոր ատոմակայանի կառուցման համար»։

Այսինքն՝ նախ պետք է փակվի ատոմակայանը, իսկ նորը կկառուցվի, թե ոչ՝ երաշխիք չկա։ Արեւմուտքը հորդորում է մոդուլային ատոմակայան կառուցել, մի բան, որը քաղաքացիական կյանքում կիրառություն գրեթե չունի․ նման ատոմակայաններ կառուցվում են ռազմաբազաների համար։ Վերջին տարիներին Ադրբեջանն ու Թուրքիան պարբերաբար պահանջում են փակել ՀԱԷԿ-ը։ 

Փաստորեն, Արեւմուտքի քավորությամբ Փաշինյանը կատարելու է նրանց հերթական պահանջը։ Բացի այն, որ ատոմակայանը ՀՀ սուվերենության կարեւոր բաղադրիչն է, ներկայում բավարարում է ՀՀ բնակչության կողմից օգտագործվող էլեկտրաէներգիայի 40%-ը։ 1988-ի շարժման արդյունքում ՀԱԷԿ-ը փակելուց հետո Հայաստանը հայտնվեց «սեւ ու մութ» ժամանակաշրջանում` հովհարային անջատումներով, հիմա կարող են վերադառնալ այդ օրերը: Ի դեպ, ՀԱԷԿ-ը գործում է ռուսական ուրանի հաշվին: Հիմա Թուրքիայում ՌԴ-ն ատոմակայան է կառուցում՝ ձեռքի հետ պահանջելով, որ ՀՀ-ում փակվի գործող ատոմակայանը։»:

Իրանի նախագահական ընտրությունների երկրորդ փուլում ձայների նախնական հաշվարկն ավարտվել է։ Հաշվարկի արդյունքներով Մասուդ Փեզեշքիանը առաջ է անցել Սաիդ Ջալիլից։ Այս մասին հայտարարել է Իսլամական Հանրապետության նախընտրական շտաբի պաշտոնական ներկայացուցիչ Մոհսեն Էսլամին։

Բոլոր՝ 30,530 միլիոն քվեաթերթիկների մշակման արդյունքների հիման վրա՝ Պեզեշքիանը, ով դարձել է իններորդ ընտրված նախագահը ժամանակակից Իրանի պատմության մեջ, ստացել է 16,384 միլիոն ձայն՝  53,6 տոկոս։

Հիշեցնենք, Իրանի նախկին նախագահ Էբրահիմ Ռաիսիին, ԱԳՆ ղեկավար Հոսեին Ամիր Աբդոլլահիանին և ևս երկու իրանցի պաշտոնյաների տեղափոխող ուղղաթիռը Ադրբեջանից վերադառնալիս ավիավթարի հետևանքով այրվրել է, զոհվել էին բոլոր ուղևորները;

Իրանի նախագահի պարտականությունները ստանձնել էր փոխնախագահ Մոհամմադ Մոխբերը: Ընտրությունների առաջին փուլում ոչ մի մասնակից չկարողացավ հիսում տոկոսից ավելի ձայն հավաքել, ինչից հետո հուլիսի 5-ին անցկացվեց երկրորդ փուլը և որում հաղթեց Փեզեշքիանը;

Իրանագետ Վարդան Ոսկանյանը անդրադարձել է Իրանի նախագահական ընտրություններին․

«Իրանում նախագահական ընտրությունների երկրորդ փուլի քվեարկությունն, ինչպես և առաջինի դեպքում, կտևի մինչև Թեհրանի ժամանակով ուղիղ կեսգիշեր։

Այս պահի դրությամբ ընտրությունների մասնակիցների քանակն արդեն հասել է մոտ 45 տոկոսի, ինչն, ինչպես և նախօրոք ենթադրվում էր ավելի բարձր է առաջին փուլի մասնակցության ցուցանիշից։

Առայժմ նախնական որևէ տեղեկություն թեկնածուների ստացած քվեների մոտավոր թվի մասին չկա, քանի որ քվեարկածների ելքային հարցումներ Իրանում չեն անցկացվում։ 

Հունգարիայի վարչապետ Վիկտոր Օրբանը հայտարարել է, որ ՌԴ նախագահ Վլադիմիր Պուտինի հետ քննարկել է Ուկրաինայում խաղաղության հասնելու ուղիները։

Օրբանն ասել է, որ ցանկանում է և լսել Պուտինի կարծիքը երեք կարևոր հարցերի շուրջ.

Նրա խոսքով, հարցերը հետևյալն են. ի՞նչ է մտածում ներկայումս առկա խաղաղարար նախաձեռնությունների մասին, ինչ է նա մտածում հրադադարի և խաղաղության բանակցությունների մասին, ինչ հաջորդականությամբ դրանք կարող են ընթանալ և ինչպիսի՞ն է Եվրոպայի տեսլականը պատերազմից հետո։

«Դիրքերն իրարից շատ հեռու են»,- նշել է Օրբանը։

Հունգարիայի ղեկավարն ասել է, որ ՌԴ նախագահին պատմել է Զելենսկու արձագանքի մասին հրադադարի առաջարկին։

Օրբանը նաև նշել է, որ Կիև և Մոսկվա կատարած այցերից հետո կշարունակի ջանքերը հակամարտության կարգավորման ուղղությամբ։