Ասում ենք գնա հեծանիվ քշի, գնում, հեծանիվ ա քշում․ Բագրատ Սրբազանը՝ Փաշինյանի մասին
Հունիսի 06, 2024Ասում ենք գնա հեծանիվ քշի, գնում հեծանիվ ա քշում․
Բագրատ Սրբազանը՝ Փաշինյանի մասին․
Մանրամասները՝ տեսանյութում
ՀՀ վարչապետ Նիկոլ Փաշինյանը նոյեմբերին մեկնելու է Ադրբեջան:
Այս մասին տելեգրամյան իր ալիքում հայտնում է լրագրող, քաղաքագետ, միջազգային հարաբերությունների փորձագետ Ահմեթ Շաիրօղլուն:
Նիկոլ Փաշինյանը Բաքվում մասնակցելու է ՄԱԿ-ի COP29 գագաթնաժողովին։
Կադաստրի քարտեզը համապատասխանո՞ւմ է Ալմա Աթայի հռչակագրով ՀՀ տարածքին. իշխանությունը չգիտի
Հունիսի 06, 2024ՀՀ իշխանությունները չգիտեն` արդյոք ՀՀ կադաստրի պետական կոմիտեի քարտեզը համապատասխանում է Ալմա Աթայի հռչակագրով ֆիքսված ՀՀ տարածքին, գրում է «Sputnik Արմենիան»:
Իրավիճակը հասկանալու համար մենք նախ հարցում ուղարկեցինք Ադրբեջանի հետ սահմանազատման հարցերով հանձնաժողովը ղեկավարող ՀՀ փոխվարչապետ Մհեր Գրիգորյանի գրասենյակ։ Մեզ հորդորեցին հարցերն ուղարկել Կադաստրի պետական կոմիտե, սակայն այնտեղ էլ պատասխան չստացանք։
«Այդ հարցադրումների վերաբերյալ տեղեկատվության տրամադրումը դուրս է Կադաստրի կոմիտեի իրավասություններից»,- պատասխանեցին կոմիտեից։
Հարցին, թե որ քարտեզների հիման վրա է կազմվել Կադաստրի էլեկտրոնային քարտեզը, մասնավորապես սահմանային հատվածների դեպքում, տեղեկացանք, որ ՀՀ կառավարության նախաձեռնությամբ ՀՀ տարածքում 1998-2005 թվականների ընթացքում իրականացվել են կադաստրային քարտեզագրման աշխատանքներ։
Մանրամասն՝ սկզբնաղբյուր կայքում։
«Ինքը Անորսալի Ջո-ն է»․
Սրբազանի անեկդոտը Փաշինյանի մասին․
Մանրամասները՝ տեսանյութում
«Սրբազան պայքար»-ը հայտարարել է, որ այսօր շատ կարևոր աշխատանքների օր է։
«Պետք է համալրել մեր շարքերը, ընդլայնել տեղեկատվական ռեսուրսների հնարավորությունները, նոր մարդկանց ներգրավել և պատրաստվել հունիսի 9-ի մեծ հանրահավաքին։
Խնդրում ենք տարածել Շարժման պաշտոնական ալիքները սոցիալական ցանցերի ձեր էջերում, որպեսզի հնարավորինս շատ մարդ կարողանա միանալ մեզ։
Ահա հղումները.
Նաև խնդրում ենք տարածել մեծ հանրահավաքի մասին տեղեկատվական պաստառները։ Ինչպես արդեն ասել ենք, հունիսի 9-ին Հանրապետության հրապարակում պետք է կայանա մեր ամենաբազմամարդ հանրահավաքը։
Պաստառները կարող եք ներբեռնել այստեղից։
Սիրելի հայրենակիցներ, հաղթանակը շատ մոտ է։ Միասին մենք կերտելու ենք մեր երազանքների Հոգևոր Հայաստանը։
Օրվա աշխատանքները կամփոփենք երեկոյան՝ ժամը 19։00-ին՝ Սուրբ Աննա եկեղեցու բակում կայանալիք հավաքին»,- ասվում է հաղորդագրությունում։
Հանրահավաքը կլինի առանցքային այն դեպքում, եթե նոր առանցքային թեմաներ սկսեն կարևորել․ Հովհաննիսյան
Հունիսի 06, 2024Կրիտիկական զանգված ապահովում են առանցքային թեմաները
Առանցքային հանրահավաքը ավելի լավ ձևակերպում է, քան՝ 20-25 տարի գերիշխած «կրիտիկական զանգվածով» հանրահավաքը։ Հանրահավաքը կլինի առանցքային այն դեպքում, եթե նոր առանցքային թեմաներ սկսեն կարևորել, որոնք ենթադրում են նոր մասնագիտական խմբերի ներգրավում և նոր սոցիալական խմբերի ուշադրություն։
Մեր քաղաքական միտքն իսկապես կարծում էր, որ եթե մի օր մի հանրահավաքի դուրս գա «կրիտիկական զանգված», վերջ, իշխանությունը կփոխվի, ու այդպես՝ երկար տարիներ, անկախ նրանից, թե ով էր իշխանությունը և ով՝ փոխողը։ Բնականաբար ոչինչ չէր ստացվում։
Ես ուզում եմ հավատալ, որ առանցքայինն իր բովանդակությամբ պետք է տարբերվի կրիտիկականից, թեև «առանցքայինի» ընկալումներն էլ կարող են տարբեր լինել։ Շարժման այս պահի նպատակը լայն կրիտիկական համախմբում ստանալն է, իսկ դա հնարավոր է լինում, եթե բարձրացվում են լայն և տարբեր շերտերի հետաքրքրության, կենսական թեմաներ։ Պարզ ասած՝ կրիտիկական զանգված ապահովում են առանցքային թեմաները։
Շարժումը շատ կարևոր ու դժվար փուլ հաղթահարել է՝ ձևավորել է կայուն նոր ընտրազանգված, ջարդել է իշխանական հակաքարոզչության ամենամեծ ալիքը, թակել է մշտական դիտորդ-զգուշավոր-տատանվող շերտերի դուռը։ Որպեսզի այդ դռները բացվեն, շարժումը այս պահից էապես կարևորի նոր թեմաներ.
1. Սոցիալական արդարություն
2. Վիճահարույց ճանապարհներով հարստացած նախկին և ներկա պաշտոնյաների հանրային փոխհատուցման քաղաքակիրթ, ապաքրեական մեխանիզմներ։ Հավաքական գիտակցության մեջ այս թեման կա, և այն շրջանցել հնարավոր չէ։
3. Աշխատողների իրավունքների պաշտպանություն. թե´ պետական համակարգում, թե´ մասնավորում տոտալ խախտումների և ճնշումների խնդիրը պետք է լուծվի։
4. Բիզնես միջավայր, շրջհարկի փոփոխություններ. այս իշխանությունը գնում է բիզնես դաշտի էական վատացման ուղղությամբ։ Բիզնեսին պետք է տալ ծանրակշիռ երաշխիք, որ երբևէ չեն կրկնվելու նախկին հարկային-մաքսային բարքերը, պետք է սկսել բաց երկխոսություն բիզնեսի հետ, և բիզնեսը կկանգնի շարժման, այն է՝ Հայաստանում խորքային փոփոխությունների կողքին։
5. Վարկային գերություն։ Կան տարբերակներ, որոնք առաջարկում են ամենևին ոչ պոպուլիստական մեխանիզմներ, որով հնարավոր է վերանայել շատերի անարդար վարկային պարտավորությունները, օգնել քաղաքացուն՝ դուրս գալ վարկային ստրկությունից։
6. Թանկություն. Հայաստանում կյանքն ակնհայտ արհեստականորեն թանկ է։
7. Բարոյական տոտալ հանրային ճնշում է պետք իրենց անասունի նման պահող որոշ պաշտոնյաների, քարոզիչների վրա, որոնք չեն պահում մարդկային որևէ սահման։
8. Եվ այլ բազմաթիվ զգայուն թեմաներ
Տատանվողներին, «ես քաղաքականությամբ չեմ զբաղվում», «վախենում եմ ակտիվ լինել, «ի՞նձ ինչ» ասող խավին կարճաժամկետ փուլում հնարավոր չէ համոզել «զբաղվել քաղաքականությամբ» ։ Բայց հնարավոր է և պետք է նրան հետաքրքրել՝ զբաղվել սեփական խնդիրներով, ու դա կբերի բնական ուժեղ կոնսոլիդացիայի։
Վահե Վովհաննիսյան
Այլընտրանքային նախագծեր խումբ
Արխիվից հանված փառահեղ տեսանյութ․
Ինչպես է Բագրատ Սրբազանը հասել բարձունքի․
Մանրամասները՝ տեսանյութում․
Հեծանիվի փոխարեն սուզանավի ղեկին էլ լինի, մեկ է՝ Նիկոլն ավարտված գործիչ է․ Շարմազանով
Հունիսի 06, 2024ՀՀԿ ԳՄ անդամ Էդուարդ Շարմազանովը գրում է․ «Հեծանիվի փոխարեն սուզանավի ղեկին էլ լինի, մեկ է՝ Նիկոլն ավարտված գործիչ է։
Նիկոլը մնացել է Ալիեւի, ողորմելի հաճախորդների ու որոշ «բերետավորների» հույսին։ Նիկոլիստները միաբերան պնդում են, թե իրենց իշխանությանը ոչինչ չի սպառնում։ Բա ինչու՞ եք ամբողջ օրը դրա մասին խոսում։ Դուք աջակցություն ու ժողովրդականություն չունեք, ուզում եք հեծանիվ, ուզում եք սուզանավ քշեք։
Լեգիտիմ իշխանությունը «ցռան վերգոների» նման չի թաքնվի ոստիկանների հետեւում։
Ազգային օրակարգը ՝ առանց թշնամու առաջ ծնկի եկած կապիտուլյանտի Հայաստանն է։
Ձեր օրակարգը ո՞րն է…. Երեւի քաղաքական տրանսգենդերներով, թուրք-ադրբեջանական կամակատարներով ու «բերետավորներով» վիլայեթացումը»։
Անհայտ կորած զինծառայողների ընտանիքներին տրամադրվող սոցիալական աջակցությունը կշարունակվի. «Փաստ»
Հունիսի 06, 2024«Փաստ» օրաթերթը գրում է. «Պաշտպանության նախարարությունն առաջարկում է փոփոխություններ կատարել կառավարության 2020 թ.-ի դեկտեմբերի 10-ի N 2001-Լ որոշման մեջ: Նշվում է, որ որոշման նախագծի ընդունումը պայմանավորված է անհայտ կորած զինծառայողների ընտանիքներին սոցիալական աջակցության տրամադրման շարունակականությունն ապահովելու անհրաժեշտությամբ:
Կառավարության 2020 թ.-ի դեկտեմբերի 10-ի «Ադրբեջանի կողմից 2020 թվականի սեպտեմբերի 27-ին սանձազերծված ռազմական գործողությունների հետևանքով անհայտ կորած զինծառայողների ընտանիքների աջակցության միջոցառումը հաստատելու մասին» N 2001-Լ որոշմամբ նախատեսված է մինչև 2024 թ.-ի հունիսը ներառյալ ամենամսյա դրամական վճարի ձևով սոցիալական աջակցության տրամադրում զինծառայողի ընտանիքին՝ ամսական 300 000 դրամի չափով, սակայն ոչ ավելի, քան մինչև անհայտ կորած զինծառայողին դատական կարգով անհայտ բացակայող ճանաչելը:
Որոշման հավելվածի 4-րդ կետի 3-րդ ենթակետի համաձայն՝ գտնվելու վայրն անհայտ զինծառայողների ընտանիքներին ամենամսյա դրամական վճարի տրամադրումը դադարեցվում է, եթե ամենամսյա դրամական վճարը վճարվել է մինչև 2024 թ.-ի հունիս ամիսը ներառյալ: Սրա արդյունքում 2024թ.-ի մայիսի 30-ի դրությամբ դեռևս անհայտ բացակայող ճանաչելու մասին դատական ակտեր չունեցող թվով 23 անհայտ կորած համարվող զինծառայողների ընտանիքների աջակցության տրամադրումը դադարեցվելու է 2024 թ.-ի հուլիսի 1-ից: Առկա իրողություններով պայմանավորված՝ առաջարկվում է աջակցության վճարման ժամկետը երկարաձգել մինչև 2024 թ.-ի օգոստոսը ներառյալ:
Որոշման նախագծով նախատեսվում է անհայտ կորած զինծառայողների ընտանիքներին աջակցության տրամադրման ժամկետը երկարաձգել մինչև 2024 թ.-ի օգոստոսը ներառյալ, ինչպես նաև հանձնարարվում է աշխատանքի և սոցիալական հարցերի նախարարին ներկայացնել առաջարկություն՝ գործընթացի ֆինանսավորման վերաբերյալ: Որոշման նախագծի ընդունման դեպքում շահառու հանդիսացող թվով 23 անհայտ կորած զինծառայողի ընտանիքի աջակցության տրամադրման ֆինանսական հաշվարկը 2024 թ.-ի հուլիս-օգոստոս ամիսների համար կազմում է 13.800.000 դրամ: Անհրաժեշտ միջոցները նախատեսվում է ներգրավել 2024 թ.-ի պետական բյուջեով աշխատանքի և սոցիալական հարցերի նախարարությանը հատկացված միջոցների վերաբաշխումների հաշվին»:
Մանրամասները՝ «Փաստ» օրաթերթի այսօրվա համարում
«Փաստ» օրաթերթը գրում է.
Երկրում ծավալվող ժողովրդական պայքարի ու ընդվզման խորապատկերում ուշադրություն է գրավում այն, որ Նիկոլ Փաշինյանն իր «փիարային խորդանոցում» գտավ փոշեկալած յուր հեծանիվը ու սկսեց քշել: Ինքնին հասկանալի է՝ թիկնազորով շրջապատված: Դե, առավոտյան այնքան շուտ, որ փողոցներում գրեթե մարդ չլինի: Ու էլի հասկանալի է՝ նկարահանելով, մոնտաժելով, հրապարակելով: Այս տեմպերով Փաշինյանը միգուցե հիշի նաև կարկանդակի կամ եգիպտացորենի կողրի մասին: Զուգահեռ, տեսանյութեր են շրջանառվում, թե ինչպես է Նիկոլ Փաշինյանի տիկինը քայլում Երևանի ինչ-որ փողոցահատվածում, սրճում Վանաձորում... Դե, փիարը փիար է, ու միայն վարչապետի օրինակը պիտի տարածվեր «շարքերում»:
Ասում են՝ կարկառուն քպականներից մեկն էլ հիշել է, որ ստորգետնյա փոխադրամիջոց կա, և անգամ, օ՜, հրաշք, երթևեկել է մետրոյով (թեպետ իր պնդումից բացի, դրա այլ վկայություններ չկան): Իսկ այս ամենն իրականում մի տեսակ «հետիշխանափոխական» օրերի դեժավյուի է նմանվում, որ կարելի է պայմանականորեն բնորոշել որպես «ժողվարչապետ» ներկայացման հերթական արարներ: Իսկ ինչի՞ համար է այս ամբողջ ներկայացումը: Իրենց թիմին ու փոքրաթիվ կողմնակիցների՞ն են ուզում ցույց տալ, թե՝ ամեն ինչ OK է (Շամշադինի բարբառով ասած), առանձնահատուկ ոչինչ չի կատարվում, վիճակը վերահսկելի է: Հնարավոր է:
Բայց «դառը հաբն» այն է, որ թիմի ներսում էլ կույր չեն, հրաշալի տեսնում են, թե ինչ է կատարվում, անկախ այն բանից, թե ինչ «հունանավետիսյանական» խոսքեր են արտասանում տեսախցիկների առաջ: Իրականում Փաշինյանն ու յուր մերձավոր զինակիցները ամենադիտողունակ քաղտեխնոլոգից էլ լավ են հասկանում, որ իրենց իշխանության վարկանիշը զրոյական է, որ իրենք գործնականում կորցրել են իշխանությունը, իսկ որ ամենից վատն է իրենց համար՝ կորցրել են օրակարգ ձևավորելու հնարավորությունը: Հենց միայն այն, որ այս օրերին նորից հիշել են փոշեկալած արարները «ժողվարչապետության» մասին, ինքնին խոսում է այն մասին, որ այսօր, ուզենք թե չուզենք, ընդունենք թե չընդունենք, օրակարգ թելադրում է Բագրատ Սրբազանի առաջնորդած պայքարը:
Ընդ որում, օրակարգ՝ նաև այս պահի իշխանությունների համար: Այսինքն, իշխանություններն իրենց քայլերով բացահայտ մատնում են, որ «ամեն ինչ OK» չէ: Թե բա՝ շարժումը մարում է, շարժումից իշխանություններն անհանգստացած չեն: Այդ դեպքում այս ամբողջ թատրոնն ինչի՞ համար է...
Ավելին՝ «Փաստ» օրաթերթի այսօրվա համարում։
Ֆոտո
