Օգոստոսի 21
«Տեսեք՝ ամեն ինչ նոր եմ դարձնում»: Միայն երկրային իրականությանը գամված հոգին է, որ չի կարողանում սավառնել: Այն օրհնությունը և այն ուրախությունը, որ ուղարկում եմ ձեզ՝ ձերբազատվելու համար աղքատությունից ու սրտի ծանրություններից, պետք է թուլացնի ու կտրի մի կապ՝ ձեզ երկրին կապող:
Այդ կապերն են, որ կաշկանդում են ձեզ: Իսկ ձեր ուրախությունը նշանակում է բարձրանալ ու լինել՝ Ուրախության ու Գոհության տարածքում:
Փետրաթափ թևերը կարող են փետուրներ ունենալ վերստին. նվաղած ձայները կարող են ստանալ՝ մինչ այդ իրենց անծանոթ Ուժ ու Գեղեցկություն: Այլոց օգտակար լինելու ձեր գործադրած ջանքը շուտով կլցնի ձեզ հրճվանքով, եթե նույնիսկ ձեզ արդեն թվա, թե այլոց օգտակար լինելը ձեզ այլևս ուրախություն չի պատճառում:
Դուք որքան էլ մտածեք, որ արդեն շատ եք սպառվել, հոգնել ու ցավերով բեռնավորվել, բայց, ահա, Ես Ասում Եմ. «Ահավասիկ ամեն բան նոր Եմ դարձնելու»: Այս խոստումը պետք է կատարվի: Ինչպես մի ժամանակ այնքան սիրով խոսեցի ձեզ, այսօր էլ նույն ձևով՝ աղմուկներից հոգնած ձեր ականջներին՝ այսքան մոտիկից կրկնում եմ. «Ինձ մոտ եկեք, ով հոգնածներ ու ծանրաբեռնվածներ, և Ես ձեզ հանգիստ պիտի տամ»: Մոտ եկեք, Իմ սիրելիներ:
0Comments