ՆԱՏՕ-ն խոշոր զորավարժություններ է անցկացնում «Ռուսաստանի կողմից հնարավոր ագրեսիայի վայրում»

ՆԱՏՕ-ի Nordic Response զորավարժություններին մասնակցում է 20 հազար զինվոր 13 երկրներից։ Ըստ Euronews-ի՝ հյուսիսային տարածաշրջանում դաշինքի երկրների պաշտպանության ուղղությամբ գործողություններ կիրականացվեն ցամաքում, ծովում և օդում։

Զորավարժություններին ներգրավված են ավելի քան 50 նավ և ավելի քան 110 մարտական ինքնաթիռ։ Զորավարժությունները տեղի են ունենում Շվեդիայում, Ֆինլանդիայում և Նորվեգիայում՝ Ֆինմարկի շրջանում։

Finnmark-ի ցամաքային պաշտպանության ղեկավար Յորն Քյուլլերը նշել է. «Առաջին հերթին Ֆինմարկը տարածք է, որը կարող է դառնալ Ռուսաստանի կողմից հնարավոր ագրեսիայի վայր: Կարեւոր է, որ մենք պարապենք համապատասխան գոտում»։