Շոտլանդիայի Էդինբուրգի համալսարանի գիտնականները պարզել են, որ 10 տղամարդկանցից մոտավորապես յոթը կյանքի ընթացքում ենթարկվելու է կանանց սեռական ոտնձգությունների: Հետազոտությունը հրապարակվել է Archives of Sexual Behavior (ASB) գիտական ամսագրում:
Ոտնձգությունը կամ սեռական վիկտիմիզացիան ներառում է մի շարք սեռական գործողություններ, որոնք կատարվում են անձի նկատմամբ առանց նրա համաձայնության՝ բռնաբարությունից և սեռական ոտնձգությունից մինչև անցանկալի շոյանք կամ հպում: Վիկտիմիզացիան տեղի է ունենում տարբեր համատեքստերում և կարող է առաջանալ անծանոթ մարդկանց կամ սովորական զուգընկերոջ կողմից:
Գիտնականները հարցում են անցկացրել 1124 բրիտանացի հետերոսեքսուալ տղամարդկանց շրջանում: Մասնակիցները, անանունության պայմանով, լրացրել են հոգեբանական թեստերի մի շարք՝ անհանգստությունը, դեպրեսիան և հետտրավմատիկ սթրեսային խանգարումը գնահատելու համար, ինչպես նաև պատասխանել են կանանց կողմից ոտնձգությունների փորձի մասին հարցերին:
Արդյունքները ցույց են տվել, որ տղամարդկանց 71%-ը կյանքում առնվազն մեկ անգամ ենթարկվել է սեռական ոտնձգությունների կնոջ կողմից, նրանցից 57%-ը՝ մեկից ավելի, իսկ 45%-ը՝ ավելի քան երկու անգամ։ Հարցվածների 33%-ի մոտ նրանք համաձայնել են սեռական ակտերի էմոցիոնալ ճնշման տակ, 29%-ը՝ հարբած վիճակում, իսկ 5%-ը խոստովանել է, որ իրենց ստիպել են ուժով կամ վնաս պատճառելու սպառնալիքով։ Բոլոր հարցվածները բացասական տերմիններով են նկարագրել իրենց փորձառությունները:
Վիկտիմիզացիայի ամենատարածված ձևը ինտիմ շոյանքներն էին: Դրանց հաջորդում են հեշտոցային սեքսը, համբույրը, օրալ և անալ սեքսը:
Գիտնականներն ասում են, որ իրենց բացահայտումները ցույց են տալիս, որ սեռական ոտնձգությունները բացասաբար են անդրադառնում մարդկանց մտավոր բարեկեցության վրա՝ անկախ նրանց սեռից կամ սեռական ազատությունը խախտող անձի սեռից:
0Comments