Ստեղծվել է նոր գերամուր նյութ, որն իր կարծրությամբ զիջում է միայն ադամանդին

Շոտլանդիայից, Գերմանիայից և Շվեդիայից գիտնականների միջազգային թիմը հայտարարել է գերամուր նյութերի ստեղծման հարցում առաջընթացի մասին։

Նրանք ստացել են ածխածնի նիտրիդներ, որոնք կարծրությամբ միայն մի փոքր են զիջում ադամանդին։ Հետազոտությունը, ըստ news-ի, հրապարակվել է Advanced Materials (AdvMat) գիտական ​​ամսագրում։

Թիմի հայտնագործությունը ածխածնի նիտրիդների հետ դեռ 1980-ականներից կատարվող փորձերի արդյունք է: Գիտնականներն ածխածնի և ազոտի միացությունները ենթարկել են 70-ից մինչև 135 գիգապասկալ (1 միլիոն անգամ ավելի բարձր, քան Երկրի մթնոլորտի ճնշումը) ճնշման՝ 1500 °C-ից ավելի ջերմաստիճանի պարագայում:

Պարզվել է, որ այս փորձի արդյունքում ստացված նյութերն ավելի կարծր են, քան խորանարդ բորի նիտրիդը, որը մինչև վերջերս համարվում էր Երկրի վրա երկրորդ ամենաամուր նյութն ադամանդից հետո:

Բացի դրանից, գերկարծր ածխածնի նիտրիդներն ունեն լրացուցիչ հատկություններ, ներառյալ ֆոտոլյումինեսցենտությունը և էներգիայի պահպանման բարձր խտությունը:

Ըստ հետազոտողների՝ նոր նյութերը կարող են օգտագործվել արդյունաբերական նպատակներով՝ դրանք օգտագործելով մեքենաների և տիեզերանավերի պաշտպանիչ ծածկույթներում, արևային մարտկոցներում, ֆոտոդետեկտորներում և բարձր ամրության կտրող գործիքների արտադրության մեջ:

Ըստ հետազոտողների՝ նոր նյութերը կարող են օգտագործվել արդյունաբերական նպատակներով՝ ավտոմեքենաների և տիեզերանավերի պաշտպանիչ ծածկույթներում, արևային մարտկոցներում, ֆոտոդետեկտորներում և բարձր ամրության կտրող գործիքների արտադրության մեջ: