Միացյալ Նահանգները համարում է, որ Հայաստանը՝ որպես ինքիշխան պետություն, կարող է որոշել, թե ովքեր են իր դաշնակիցները, իր գործընկերները։ Այս մասին Հանրային հեռուստաընկերությանը տված հարցազրույցում ասաց ՀՀ-ում ԱՄՆ դեսպան Քրիստինա Քվինը՝ խոսելով Հայաստան-Ռուսաստան հարաբերությունների մասին։
«Ինչ է ցանկանում տեսնել Միացյալ Նահագները․ խաղաղություն Եվրոպայում, խաղաղություն Հարավային Կովկասում։ Եվ մենք պատրաստ ենք խոսել ցանկացած կողմի հետ, որը կարող է դրական տեսլական ներկայացնել տարածաշրջանին խաղաղություն բերելու համար։ Միացյալ Նահանգները շատ ակտիվորեն ներգրավված է, բայց նաև Եվրոպական Միությունն է շատ ակտիվորեն ներգրավված։ Որովհետև և՛ մենք, և՛ իրենք տեսնում են, որ ՀԿ-ում խաղաղություն և անվտանգություն ունենալն իրոք շահեկան է»,- ասաց դեսպանը։
Քրիստինա Քվինը նաև նշեց, թե որոնք ենք «ամերիկյան շահերը»։
«Մենք շատ կարևոր շահեր ունենք Հայաստանում։ Բայց ո՞րն է Միացյալ Նահանգների շահը։ Որ մենք ու դուք ընդհանուր ժողովրդավարական արժեքներ ունենք, հետամուտ ենք ընդհանուր ժողովրդավարական գործընթացներին։ Մենք տեսնում ենք, որ Հայատանն իրոք պայծառ կետ է տարածաշրջանում ժողովրդավարության իմաստով»,- ասաց դիվանագետը։
Խոսելով Իրանի հետ հարաբերությունների մասին՝ դեսպան Քվինն ասաց, որ Հայաստանն ինքիշխան պետություն է, որը «կարող է հարաբերություններ ունենալ հարևանների հետ, աշխարհում այլ պետությունների հետ»։
«Մենք գնահատում ենք այն հանգամանքը, որ Հայաստանը պահպանում է Իրանի նկատմաբ Միացյալ Նահանգների պատժամիջոցները։ Սակայն, դրանից անդին, Հայաստանն ինքը պետք է որոշի՝ ինչպիսի հարաբերություններ ունենալ Իրանի հետ»,- հավելեց Քրիստինա Քվինը։
0Comments