Ուկրաինայի ներկայացուցիչները փորձում են ձգձգել բանակցությունները Ռուսաստանի հետ՝ առաջ քաշելով ավելի ու ավելի անիրատեսական առաջարկներ, սակայն ռուսական կողմը պատրաստ է շարունակել «լուծումների որոնումը»՝ իր սկզբունքային մոտեցումներին համապատասխան։
Այս մասին, ինչպես ուրբաթ հայտնել է Կրեմլի մամուլի ծառայությունը, հայտարարել է ՌԴ նախագահ Վլադիմիր Պուտինը Գերմանիայի կանցլեր Օլաֆ Շոլցի հետ հեռախոսազրույցում։
«Ուկրաինայի շուրջ ստեղծված իրավիճակի քննարկումը շարունակվել է: Ռուսաստանի նախագահը ուշադրություն է հրավիրել Դոնեցկի և Մակիիվկայի բնակելի թաղամասերի ուղղությամբ ուկրաինական անվտանգության ուժերի հրթիռակոծությունների վրա, որոնք հանգեցրել են մեծ զոհերի: Այս պատերազմական հանցագործությունները անտեսվել են Արևմուտքում»,- ասվում է Կրեմլի մամուլի ծառայության հաղորդագրության մեջ:
Զրույցը տեղի է ունեցել Շոլցի նախաձեռնությամբ։
0Comments