2012-ից սկսած հոլիվուդյան աստղ Ջենիֆեր Լոուրենսը զարդարում է ֆրանսիական Dior աշխարհահռչակ ապրանքանիշի գովազդային նախաձեռնությունները՝ ներկայացնելով նորաձևության այդ հեղինակավոր տան հագուստի հավաքածուները:
Այժմ արդեն ապրանքանիշը որոշում է կայացրել՝ դերասանուհուն հաղորդակից դարձնել նաև իրենց արտադրանքի մեկ այլ ուղղությանը՝ դարձնելով Ջենֆերին օծանելիքի նոր բույրի դեմքը:
Հատկանշական է, որ բուրմունքի անվանումը բրենդի կողմից դեռևս պահպանվում է որպես գաղտնիք, այն ստեղծողները բավարարվել են միայն տեղեկատվությամբ, որ օծանելիքը նոր էջ է բացելու Dior-ի պատմության մեջ:
Ի դեպ, վերջին անգամ Dior ապրանքնիշն աշխարհին որպես լիովին նոր պարֆյում ներկայացրել էր J'Adore օծանելիքը, այն էլ՝ հեռավոր 1999 թվականին:
Նոր բույրի հեղինակը Ֆրանսուա Դեմաշին է, ով որպես առաջատար պարֆյումեր նորաձևության տան հետ համագործակցում է 2006 թվականից:
0Comments