ՀՀ վարչապետ Նիկոլ Փաշինյանն իր ֆեյսբուքյան էջով հայտնում է, որ Ամուլսարի հարցով իր եզրակացության վերաբերյալ երեկոյան հանդես կգա հայտարարությամբ։
«Այսօր առավոտվանից արդեն երեք քննարկում ենք արել Ամուլսարի հարցով: Լսել եմ բոլոր փաստարկներն ու հակափաստարկները։ Իմ եզրակացության վերաբերյալ երեկոյան հանդես կգամ հայտարարությամբ»,-գրել է Նիկոլ Փաշինյանը։
Հիշեցնենք, որ այսօր Բաղրամյան 26-ում Ամուլսարի շահագործման վերաբերյալ հանդիպում է տեղի ունեցել, որին մասնակցել են Ջերմուկ համայնքի բնակիչներ, կրթական և առողջարանային հաստատությունների ներկայացուցիչներ, բնապահպաններ։ Քիչ առաջ էլ ավարտվեց վարչապետի հանդիպումը ԱԺ «Իմ քայլը» խմբակցության պատգամավորների հետ, որի օրակարգում էր Ամուլսարի հանքի շահագործման հարցը։ Վարչապետը հրաժարվեց պատասխանել լրագրողների հարցերին։
0Comments