Ճապոնական մատչա թեյը նվազեցնում է տագնապայնության մակարդակը

^{Ճապոնական մատչա թեյի խտանյութը կարող է արդյունավետ լինել տագնապայնության մակարդակի նվազեցման դեպքում, պնդում են Kumamoto University-ի գիտնականները:}

^{Լաբորատոր մկների մասնակցությամբ հետազոտությունը պարզել է, որ կրծողների տագնապային վարքագծի ցուցանիշները նվազում են մատչա թեյի փոշի կամ խտանյութ գործածելուց հետո:}

^{Գիտնականների կարծիքով՝ թեյի հանգստացնող էֆեկտը կապված է D1 դոֆամինային ռեցեպտորների եւ 5-HT1A սերոտոնինային ռեցեպտորների ակտիվացման մեխանիզմի հետ. երկուսն էլ կապված են տագնապային վարքագծի հետ: Սակայն այս եզրահանգումների հաստատման համար անհրաժեշտ է կատարել այլ հետազոտություններ:}

^{Իսկ ներկայիս հետազոտության արդյունքները ցույց են տալիս, որ այս թեյն իսկապես առողջության համար շատ օգտակար է կամ գոնե հոգեկան վիճակի համար:}

^{Նշենք, որ շատ երկրներում բնակչության շրջանում դեպրեսիայի եւ տագնապային խանգարումների մակարդակը մշտապես աճում է: Եթե մատչա թեյի արդյունավետությունը հաստատվի, այն իսկապես կօգնի այս խնդիրների դեմ պայքարին, գրում է  NEWS.am Medicine:}