ԱՄՆ Ալաբամա նահանգի Լայմսթոուն շրջանում ոստիկանները հանցագործի տանը հատուկ վարժեցրած «պահապան սկյուռիկ» են հայտնաբերել, հայտնում է Լենտան՝ հղում անելով WAFF 48 լրատվական պորտալին:
Երկուշաբթի՝ հունիսի 17-ին, ոստիկանները եկել են 35-ամյա Միկի Փոլքի տուն՝ ապօրինի հրազեն, արգելված թմարմիջոցներ և դրանց օգտագործման ու կիրառման համար միջոցներ պահելու համար կալանավորելու: Տղամարդը տանը չի եղել, և ոստիկանները կալանավորել են նրա հարևանին՝ 37-ամա Ռոնի Ռեյնոլդսին:
Նշվում է, որ խուզարկության ժամանակ ոստիկաններն ուշադրություն են դարձրել ագրեսիվ սկյուռիկին, որն այդ պահին գտնվել է վանդակում: Ոստիկանության տեղեկություններով՝ Փոլքը նրան պահում էր որպես պահապան կենդանի և հավանաբար, կերակրում մետամֆետամինով: Լայմսթոուն շրջանի ոստիկանական դեպարտամենտի աշխատակից Սթիվեն Յանգը խոստովանել է, որ ոչ ոք չէր ցանկանում մոտենալ սկյուռիկի վանդակին․ «Իրավապահ մարմիններում 18 տարվա աշխատանքի ընթացքում նման բան առաջին անգամ եմ տեսնում»,- ասել է նա:
Իշխանությունները նշել են, որ անվտանգ եղանակներ չկան ստուգելու համար՝ կենդանուն իսկապե՞ս թմրանութերով են կերակրել, թե ոչ:
Սկյուռիկի ճակատագիրն անհայտ է: Փոլքի նկատմամբ հետախուզում է հայտարարվել: Առայժմ հայտնի չէ՝ կառաջադրվի՞ վերջինիս կենդանիների նկատմամբ դաժան վերաբերմունքի մեղադրանք:
0Comments