Մնում է քաղաքապետարանի պատերը թափանցիկ դարձնենք, միայն զուգարանի պատերը թափանցիկ չանենք, եթե դեմ չեք. Մարությանը հեգնեց

^{Քաղաքապետարանը պարտավոր չէ իր բոլոր որոշումների մասին տեղյակ պահել ավագանուն: Այս մասին այսօր՝ ապրիլի 23-ին, Երեւանի ավագանու նիստում հայտարարեց Երեւանի քաղաքապետ Հայկ Մարությանը՝ անդրադառնալով ավագանու ընդդիմադիր անդամների դժգոհությանը, որ աղբահանության համար «Կամազներ» ձեռք բերելու որոշման մասին իրենք տեղյակ չեն եղել:}

^{Այս առնչությամբ Հայկ Մարությանն ասաց. «Այո, նաեւ «իմ քայլը» խմբակցության անդամները տեղյակ չեն այն գործերից, որոնք քաղաքապետարանն անում է: Պարտադրանք չկա, որ ամեն անգամ պարտավոր ենք ամեն քայլի մասին տեղեկացնել: Մենք հարյուրավոր որոշումներ ենք կայացնում:}

^{Մենք աշխատում ենք թափանցիկ, ես չգիտեմ, թե էլ ինչ պետք է անենք, մնում է պատերը թափանցիկ դարձնենք, որ դրսից ամեն բան երեւա: Միայն զուգարանի պատերը թափանցիկ չանենք, եթե դեմ չեք»:}