Տնտեսագետ Յուրի Մինասյանին դաժան ծեծի ենթարկելով հասցրել են մահվան․ նա ակամա է հայտնվել կռվի մեջ՝ փորձելով բաժանել այլոց

2024 թվականի մարտի 5-ի գիշերը Երևան քաղաքի կենտրոնում՝ Պուշկին փողոցում, տնտեսագետ, մարքեթոլոգ Յուրի Էմիլի Մինասյանին, դեռևս չպարզված հանգամանքներում խմբակային դաժան ու սարսափելի ծեծի ենթարկելով, հասցրել են մահվան (գանգուղեղային բազմաթիվ կոտրվածքներով տեղափոխվել է հիվանդանոց ու այդպես էլ ուշքի չգալով մահացել է մարտի 14-ին)։

Տեղեկությունը NEWS.am-ի թղթակցի հետ զրույցում հաստատել են Յուրիի հարազատները։

Նրանց փոխանցմամբ՝ դեպքի վայրում եղել են ականատեսներ և, ըստ նախնական վարկածի, Յուրին ակամա է հայտվել կռվի մեջ՝ բաժանելով մյուսներին։