Մեր նպատակը քաղաքացիներին տուգանելը չէ, այլ, որ չպետք է լինեն քաղաքացիներ, որոնք ուղղակի կբերեն և մեքենան կկայանեն կենտրոնում՝ խնդիրներ ստեղծելով այդտեղ աշխատողների համար։
Այս մասին Tert.am-ի հետ զրույցում ասաց Երևանի քաղաքապետի առաջին տեղակալ Արմեն Փամբուխչյանն՝ անդրադառնալով ավտոկայանտեղերի թանկացման մասին նախագծին։
Նա նկատեց, որ զարգացած երկրներում գործում է այս պրենքը, որտեղ կենտրոնը բեռնաթափված է և գոտիավորված։
Քաղաքապետի տեղակալի խոսքով՝ իրենք բազմաթիվ քաղաքացիներից ահազանգեր են ստանում, որոնք ցանկանում են, որպեսզի կենտրոնը բեռնաթափված լինի՝ քայլելու և ժամանցի համար ազատ։
«Մի նայեք, որ կայանատեղի վճարը 160,000 է դարձել, այլ՝ 100 դրամը 300 է դարձել։
Սա ժամանակավոր լուծում է, կաշխատենք, որ հետագայում ավելի լավ լուծում գտնենք»,- հույս հայտնեց Փամբուխչյանը։
0Comments