Հոլիվուդյան դերասաններ Անջելինա Ջոլին ու Բրեդ Փիթը, չնայած ամուսնալուծության հետ կապված տարաձայնություններին, անցած շաբաթ երկու հանդիպում են ունեցել, որոնց ընթացքում քննարկել են երեխաներին ու նոր գինի թողարկելուն վերաբերող հարցեր:
Daily Mail-ի փոխանցմամբ՝ այս հանդիպումները պարբերական բնույթ են կրում:
Հիշեցնենք, որ 7 տարվա համատեղ կյանքից ու 2 տարվա ամուսնությունից հետո զույգը որոշել է ամուսնալուծվել: Գործընթացը ձգձգվում է՝ կապված 6 երեխաների խնամակալության իրավունքի հետ: Անցած տարվա ամռանը նախկին ամուսիններն այդ հարցի շուրջ ժամանակավոր համաձայնություն էին ձեռք բերել:
Այս ամենը, սակայն, չի անդրադարձել Ջոլիի ու Փիթի՝ գինու արտադրությամբ զբաղվող Miraval համատեղ ընկերության վրա, որը շուտով կթողարկի նոր՝ Studio անունով գինին:
Պարբերականը հավելում է, որ զույգը մտադիր չէ վաճառել Ֆրանսիայում գտնվող խաղողի այգին, որտեղ արտադրվում են գինիները, քանի որ դա ներդրում է իրենց երեխաների համար:
0Comments