Հայաստանը պետք է ուժեղ լինի, իսկ Հնդկաստանն օգնելու համար կանի հնարավոր ամեն բան։ Այս մասին լրագրողների հետ զրույցում հայտարարել է Հայաստանում Հնդկաստանի դեսպան Կիշան Դան Դևալը
Անդրադառանալով ՀՀ սահմանային շրջաններ կատարած այցին՝ դեսպանը նշել է. «Ես և իմ գործընկերներն ականատես եղանք այն ավերածություններին, որ տեղի են ունեցել։ Մեր դիրքորոշումն ի սկզբանե հստակ է եղել և հրապարակայնացվել է ՄԱԿ-ի անվտանգության խորհրդի արտահերթ նիստում։ Ագրեսորն անմիջապես պետք է դադարեցնի ռազմական գործողությունները և պահպանի հրադադարը»,- նշել է դեսպանը և հավելել, որ իրենց ներկայացուցիչն ամենախիստն է դատապարտել ադրբեջանական կողմի ագրեսիան։
Նա նշել է, որ իրենց դիրքորոշումն աներկբա է և շատ պարզ։ Դեսպանը հավելել է, որ Հնդկաստանը կանի հնարավոր ամեն ինչ միջազգային իրավունքի և նորմերի սահմաններում, իսկ Հայաստանը պետք է ուժեղ լինի։
0Comments