Այսօր Թբիլիսիում տեղի է ունեցել Թուրքիայի, Վրաստանի և Ադրբեջանի տրանսպորտի նախարարների եռակողմ հանդիպումը։
Այս մասին հայտարարել է Ադրբեջանի թվային զարգացման և տրանսպորտի նախարար Ռաշադ Նաբիևը։
Նա նշել է, որ հանդիպման ընթացքում քննարկվել են Միջին միջանցքի ներուժի լայն օգտագործման և այս միջանցքով անցնող Բաքու-Թբիլիսի-Կարս կենսական նշանակություն ունեցող երկաթուղու թողունակության մեծացման հարցեր։
«Մենք արդյունավետ հանդիպում ունեցանք Վրաստանի փոխվարչապետ, էկոնոմիկայի և կայուն զարգացման նախարար Լևան Դավիթաշվիլիի հետ։ Մասնավորապես, մենք քննարկել ենք Փոթիի և Բաթումիի նավահանգիստների և Ալյաթ նավահանգստի միջև բլոկային գնացքի բացումը, չվացուցակների ներդաշնակեցումը և միասնական սակագների սահմանումը»,- հավելել է պաշտոնյան։
0Comments