ՀՅԴ հայտարարությունը՝ Խաչատուր Քոքոբելյանի հոր առևանգման գործի առնչությամբ. Հետապնդումները սկիզբ են առել ամիսներ առաջ

Մանրամասներ
Live24-ը ներկայացնում է
ա

Հայ Յեղափոխական Դաշնակցությունը հայտարարություն է տարածել ՀՅԴ անդամ Սուրեն Մանուկյանի ձերբակալության առնչությամբ։

Հիշեցնենք, որ այսօր «Ազատ դեմոկրատներ» կուսակցության ղեկավար Խաչատուր Քոքոբելյանը տեղեկացրել էր, որ իր 83-ամյա հոր առևանգման գործով ձերբակալվել է ՀՅԴ-ական նախկին պատգամավոր Սուրեն Մանուկյանը։

ՀՅԴ հայտարարությունը ներկայացնում ենք ստորև․

«Այսօր ՀՅԴ ԳՄ անդամ, ԱԺ նախկին պատգամավոր Սուրեն Մանուկյանը հրավիրվել էր ՀՀ քննչական կոմիտե, որպես տուժող քննչական գործողության մասնակցելու համար։

Ճանապարհին, այսօրվա իրավապահ մարմիններին բնորոշ բեմականացմամբ, բռնության գործադրմամբ Սուրեն Մանուկյանը ձերբակալվել է՝ անձի առևանգման կասկածանքով։

Սուրեն Մանուկյանի նկատմամբ քաղաքական հետապնդումները, ֆիզիկական խոշտանգումները, առանց հիմքի բնակարանի խուզարկումը, վարկաբեկման փորձերը սկիզբ են առել դեռևս ամիսներ առաջ։

Դատապարտելով անձի առևանգման ենթադրյալ հանցագործությունը, մերժելի ենք համարում անձի անմեղության կանխավարկածի ոտնահարումը։ Անընդունելի համարելով քաղաքական հետապնդման հերթական դրսևորումը, 90-ականների գործելակերպը կրկնող՝ ընդդիմության վարկաբեկման ու դաշնակցականների նկատմամբ շինծու քրեական գործեր հարուցելու վարչախմբի հանցավոր գործելակերպը, վստահ ենք, որ դրանք դատապարտված են ձախողման»։