Թուրքիան ավարտել է Սիրիայում նոր օպերացիաների նախապատրաստական աշխատանքները

Մանրամասներ
Live24-ը ներկայացնում է

Թուրքիան գրեթե ավարտել է Սիրիայում եւ Իրաքում երկու ռազմական օպերացիաների նախապատրաստական ​​աշխատանքները, հաղորդում է HaberTürk ցանցը՝ երկրի Անվտանգության խորհրդի հայտարարությունից մեկ օր անց, որում նշվում էր ներխուժման անհրաժեշտության մասին:

Երկու երկրներ ներխուժելու նախապատրաստական ​​աշխատանքները 90 տոկոսով ավարտված են, հաղորդում է HaberTürk-ը՝ վկայակոչելով զինվորական պաշտոնյաներին՝ նշելով, որ հարձակողական օպերացիաները սահմանափակվելու են Եփրատ գետի արեւմուտքով։

«Զինվորական մեքենաները ժամանում են (սահման) Ադանա (հարավային) նահանգից»,- ասվում է հաղորդման մեջ, որում նաեւ նշվում է, որ Թուրքիայի նախագահ Ռեջեփ Թայիփ Էրդողանը վերահսկում է այդ գործընթացի ժամկետները։

Թուրքիայի ազգային անվտանգության խորհուրդը հինգշաբթի հայտարարել էր, որ «Թուրքիայի ներկայիս եւ ապագա ռազմական օպերացիաներն իր հարավային սահմաններին հարեւանների ինքնիշխանության դեմ ուղղված չեն, այլ անհրաժեշտ են Թուրքիայի անվտանգության ապահովման համար»։
Խորհուրդը հայտարարությունը հրապարակել էր Էրդողանի գլխավորած երեք ժամ տեւած նիստից հետո, ով երկուշաբթի սպառնացել էր նոր ռազմական օպերացիա սկսել Սիրիայում՝ «ահաբեկչական սպառնալիքների դեմ պայքարելու համար»: