Ուկրաինայում դատարանը թույլ է տվել կալանավորել նախկին նախագահ Վիկտոր Յանուկովիչին

Մանրամասներ
Live24-ը ներկայացնում է

Ուկրաինայում դատարանը թույլ է տվել կալանավորել նախկին նախագահ Վիկտոր Յանուկովիչին՝ 2010 թվականին Ղրիմում Ռուսաստանի Դաշնության Սեւծովյան նավատորմի առկայության մասին «Խարկովյան համաձայնագրերը» ստորագրելու համար, նա կասկածվում է դավաճանության մեջ։ Այս մասին հայտնել է Ուկրաինայի գլխավոր դատախազությունը։  

«Հետաքննության համաձայն՝ Ուկրաինայի նախկին նախագահը, համատեղ եւ նախնական համաձայնությամբ հանդես գալով Ուկրաինայի նախկին վարչապետի հետ՝ խախտելով Սահմանադրության եւ «Ուկրաինայի միջազգային պայմանագրերի մասին» Ուկրաինայի օրենքի պահանջները. ի վնաս ինքնիշխանության, տարածքային ամբողջականության եւ անձեռնմխելիության, պաշտպանունակության, պետական ​​եւ տնտեսական անվտանգության՝ օգնություն է տրամադրել օտարերկրյա պետությանը՝ Ռուսաստանի Դաշնությանը եւ նրա ներկայացուցիչներին Ուկրաինայի դեմ դիվերսիոն գործողություններ իրականացնելու գործում»,-ասվում է հաղորդագրության մեջ։