Բրիտանական ռազմական հետախուզության տվյալներով՝ Ռուսաստանը պատերազմի սկզբից ի վեր կորցրել է իր ցամաքային ուժերի մոտ մեկ երրորդը։ Միևնույն ժամանակ, և՛ Կիևը, և՛ Մոսկվան դադարեցրել են հրապարակել իրենց կորուստները վերջին շաբաթների ընթացքում, բայց նույնիսկ մինչ այդ դրանք տարբերվում էին և չէին կարող անկախ գնահատման ենթարկվել։
Ինչ վերաբերում է Դոնբասում ռուսական հարձակմանը, ապա, ըստ Մեծ Բրիտանիայի ՊՆ-ի, այն դժվար թե ինտենսիվանա առաջիկա 30 օրվա ընթացքում։ Եթե ռուսական զորքերը դժվարությունների են հանդիպում, ապա ուկրաինական ուժերը, ընդհակառակն, առաջ են շարժվում։ Կիրակի օրը ուկրաինական առաջին գումարտակը Խարկովի մարզում հասել է Ռուսաստանի սահմանին։
Ռուսական ուժերը նահանջել են տարածքից, բայց այժմ թիրախավորում են մատակարարման ուղիները, իսկ արևմուտքում ռուսական հրթիռային հարձակումները թիրախավորել են Լվովի մերձակայքում գտնվող ևս մեկ ռազմական ենթակառուցվածք: Հարվածների հետևանքով զոհեր և վիրավորներ չկան։
0Comments