ՀՀ նախկին վարչապետ Հրանտ Բագրատյանը, որը գտնվում է այժմ «Ազատության» հրապարակում, Oragir.news-ի հարցին, թե արդյոք վերջին երեք օրվա ընդդիմության պայքարը բավարար է Նիկոլ Փաշինյանի հրաժարականին հասնելու համար, պատասխանեց, որ որպես քաղաքացի է եկել, իրեն նույնիսկ չի էլ հետաքրքրում, թե ով է անում դա. «Միայն վերջին հայտարարությունն է հետաքրքրում, երբ հստակ ասվեց, որ Ղարաբաղը տալու է, բնականաբար եկա այստեղ»։
Հարցին, թե Նիկոլ Փաշինյանի ամեն ՌԴ այցը մի նոր փաստաթղթի սկիզբ է, այս անգամ ինչ սպասենք, պատասխանեց. «Փաշինյանն այնպիսի մարդ է, որ չի կարող հաղթել, մեջը շատ էնեգիա կա, ուրեմն պարտվում է։
Հիմա շատ հիասթափված ու «մանթրաշ» է Փաշինյանը, որովհետև կարծում է, որ եթե Արցախն էլ տա, թշնամին մեկ է՝ Սյունիքն ուզում է։ Նոր զիջումներ, իհարկե, լինելու են։ Ասում են միջանցք, բայց Սյունիքը տալու է։
Ես չգիտեմ, հիմա մենք բանակ ունենք, թե՝ չէ։ Փաշինյանն ասում է՝ չունենք, բայց հիմա մենք պետք է ունենանք այնպիսի ղեկավար, ով կտրուկ բարձրացնում է իր մարտունակությունը։ Հո դուք է՛շ չեք, կարդո՞ւմ եք՝ Ալիևն ինչ զենքեր է առնում։ Ես ի՞նչ անեմ, որ մեր հասարակության մի մասը դմբո է»։
Մանրամասն՝ Oragir.news-ի տեսանյութում։
0Comments