Ուկրաինայի նախագահ Վլադիմիր Զելենսկին դիմել է օտարերկրյա դիվանագետներին, որոնք նախկինում լքել էին Կիևը՝ կոչ անելով վերադառնալ և վերսկսել աշխատանքը Ուկրաինայի մայրաքաղաքում։
«Թուրքիայի դեսպանատունը վերադարձել է երեկ։ Լիտվայի դեսպանը վերադարձել է այսօր, իսկ Սլովենիայի դեսպանությունը Կիևում ավելի վաղ վերսկսել է աշխատանքը։ Ես անկեղծորեն երախտապարտ եմ Ուկրաինայի ընկերներին, ովքեր աջակցում են մեզ այնպես, ինչպես մենք հիմա պետք է՝ խորհրդանշական և դիվանագիտական մակարդակներում։ Սա խիզախություն է»,- ասել է Զելենսկին։
Նա ասել է, որ անհամբեր սպասում է վերադարձող դիվանագետների հետ հանդիպմանը:
«Դեսպանատների առկայությունը Կիևում, նրանց բնականոն աշխատանքը հստակ ազդանշան է ագրեսորին, որ Կիևը մեր մայրաքաղաքն է։ Ոչ թե գավառական ռուսական քաղաք, այլ Ուկրաինայի մայրաքաղաք»,- ընդգծել է Զելենսկին։
0Comments