Կիևի շրջանի Բուչիի քաղաքապետ Անատոլի Ֆեդորուկը հայտնել է, որ մարտի 31-ին քաղաքն ազատագրվել է ռուս զավթիչներից։ Այս մասին հայտնել է քաղաքապետը՝ իր տեսաուղերձում, որը հրապարակել է Բուխանսկի քաղաքային խորհուրդը, փոխանցում է Украинская правда-ն:
«Մարտի 31-ը Բուչիի ազատագրման օրն է։ Այսօր ես հայտարարում եմ, որ սա ուրախ օր է, մեծ հաղթանակ մեր զինված ուժերի համար, մենք անպայման կսպասենք և կանենք ամեն ինչ, որպեսզի ամբողջ Ուկրաինայում մեծ հաղթանակ լինի»,- ասել է քաղաքապետը:
Ավելի վաղ՝ ապրիլի 1-ին, Բուխանսկի քաղաքային խորհրդի քարտուղար Տարաս Շապրավսկին հայտնել էր, որ Բուչին դեռ չի ազատվել ռուս զինվորականներից և վտանգավոր է այնտեղ վերադառնալ, քանի որ քաղաքում շատ ականներ և դիվերսանտներ կարող են լինել։
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
0Comments